Sońǵy jyldary aty atalǵan joǵary oqý oryndary BǴM tapsyrysy boıynsha «Atameken» UKP júrgizetin bilim berý baǵdarlamalarynyń reıtınginde únemi tómen pozıııadan kórindi. Bul ýnıversıtetterdegi bilim berý baǵdarlamalarynyń basym bóligi jumys berýshilerdiń talabyna saı kelgen joq jáne bilim alýshylar arasynda da suranysqa ıe bolmady.
«Mysaly, Ortalyq Azııa ýnıversıteti reıtıngke 2019 jyly – 36, 2020 jyly – 37, 2021 jyly – 11 bilim berý baǵdarlamasy boıynsha qatysty. Iaǵnı kóptegen baǵdarlamalar boıynsha túlekterdiń azdyǵyna baılanysty nátıje kórsete almady. Jabylǵan joǵary oqý oryndary sapany jaqsartý baǵytynda jumys istemegen joq, bilim berý baǵdarlamalaryna ınvestıııa salmady, praktık-mamandardy qyzmetke tartpady. Taldaý nátıjesine súıensek, bilim berý baǵdarlamalary boıynsha reıtıngi tómen joǵary oqý oryndary qaýipti aımaqqa túsetin ýnıversıtettermen ózara baılanysty bolady. Nátıjesinde aýtsaıder joǵary oqý oryndary lıenzııasynan aıyrylyp, bilim berý qyzmetin toqtatty», – dep atap ótti QR BǴM Bilim jáne ǵylym salasyndaǵy sapany qamtamasyz etý komıtetiniń tóraǵasy Gúlzat Kóbenova.
Dál osyndaı jaǵdaı «Astana» ýnıversıteti men Aqtaý gýmanıtarlyq-tehnıkalyq ýnıversıtetinde oryn aldy. Bul joǵary oqý oryndarynyń bilim berý baǵdarlamalarynyń 70-75%-y sapasy boıynsha talaptarǵa jáne jumys berýshilerdiń suranysyna saı bolmady.
«Sonymen qatar qazir basqa joǵary oqý oryndaryn tekserý nátıjeleri boıynsha sot proesteri júrip jatyr. Akademık Á.Qýatbekov atyndaǵy Halyqtar dostyǵy ýnıversıtetinde pedagogıkalyq jáne tehnıkalyq baǵyt boıynsha kadr daıarlaý jumys berýshilerdiń talabyna saı kelmeıdi. Kadr daıarlaý sapasyn jaqsartý - mańyzdy másele. Eger búgin ýnıversıtetter tıisti talapqa saı bolmasa, onda erteń biz bilimi men biliktiligi jumys berýshilerdiń suranysyn qanaǵattandyrmaıtyn mamandardy daıarlaımyz. Biz joǵary oqý oryndaryna olqylyqtardyń ornyn toltyrýǵa ýaqyt beremiz, alaıda olar túzetýge asyqpaıdy. Osyǵan baılanysty biz qatań shara qoldanamyz. Joǵary oqý oryndary oqytý jaǵdaıyn, bilim berý baǵdarlamalaryn, sonymen qatar stýdentterdiń túrli mamandyqty meńgerý daǵdylaryn jaqsartýǵa jaǵdaı jasaýy tıis. Olaı bolmasa, joǵary oqý oryndary dıplomdardy sapaly bilim bermeı-aq úlestiretin bolady», – dep tolyqtyrdy Gúlzat Kóbenova.
Sońǵy 3 jylda jumys berýshilerdiń JOO-lardaǵy bilim berý baǵdarlamalarynyń sapasyn baǵalaýyn taldaý nátıjesi jumys berýshiler arasynda maman daıarlaý sapasyna qanaǵattaný kórsetkishiniń óskenin kórsetti. Ýnıversıtetterdiń bilim berý baǵdarlamalarynyń 85%-y jumys berýshilermen kelisilgen. Qabyldanǵan túzetýlerge sáıkes, oqý jylynyń basynan bastap praktık-mamandar tartylady.
BǴM talapkerlerge, stýdentterge jáne olardyń ata-analaryna ýnıversıtet tańdaǵan kezde sapaǵa nazar aýdarý qajettigin eske saldy. JOO reıtınginiń nátıjelerin QR BǴM jáne «Atameken» QR UKP resmı saıttarynan bilýge bolady.
"Adyrna" ulttyq portaly
