Otandyq ánshi Tamara Asar Mańǵystaý oblysynda suıytylǵan gaz baǵasynyń qymbattaýyna sebepshi boldy dep qamaýǵa alynǵan Mańǵystaý oblysy ákiminiń orynbasary Ǵalymjan Nııazovqa qoldaý bildirdi. Ol Ǵalymjan Nııazovtyń halyq jazýshysy Ábish Kekilbaevtiń urpaǵy ekenin jáne tárbıe-bilimmen tolyqqan tekti kisi óz halqynyń nápaqasyn jeıtin jemqor, qylmysker emes ekenine kámil senetinin aıtty, dep habarlaıdy "Adyrna" ulttyq portaly. Bul týraly Tamara Asar óziniń Instagram-daǵy paraqshasynda jazdy.
"Fotoda jalaýdyń janyndaǵy júzi jyly kisi Mańǵystaý oblysynda resmı qyzmetter atqarǵan, qoǵamdyq jumystarǵa belsene aralasqan, tereńirek tanystyrsam, zamana zańǵary, ádebıettiń alyby Ábish Kekilbaevtyń ákesi Kekilbaıdyń inisi Muqyrdyń kenjesi Ǵalymjan Muqyruly Nııazov. Muqyr ákeı soǵys ardageri, el basqarǵan, azýly adýyndy qarııa edi. Qysqasy Ǵalymjan asyldyń synyǵy, Ábishtiń urpaǵy, bes balanyń ákesi, Qudabaıqyzy Elmıranyń qudaı qosqan jary. Súıekten qýsam týysym, júrekten qýsam qamqorshy adal dos-aǵam!
Dál osy azamat ózi týyp ósken jerin qanap, qyzmettegi laýazymyn shekten tys qoldanyp, gaz baǵasyn qymbattatyp, halqynyń nápaqasyn jegen jemqor degenge sene almaı júrmin. Sebebi ol ýyzyna qanǵan, tárbıe-bilimmen tolyqqan tekti kisi.
Qaryndastyq júrekpen jazǵan osy jazbam Nııazovtar, Kekilbaevtar áýletterine sál de bolsa rýhanı qoldaý bolsa eken. Aqıqattyń tańy týyp, Ǵalymjan Muqyrulynyń aqtalýyn Alladan tileımin. Ádildikti quzyrly oryndardan kútemin", - dep qoldaý bildirdi Tamara Asar.
Posmotret etý pýblıkaııý v Instagram
Esterińizge sala keteıik, Ǵ.Nııazovqa qatysty sot qaýlysymen tergeý organy saılaǵan jáne oblys prokýratýrasy qoldaǵan eki aı merzimge «kúzetpen ustaý» túrindegi bultartpaý sharasy engizilgen bolatyn.
"Adyrna" ulttyq portaly
