Baiqoŋyr qalasynyŋ tūrǧyndary üşın özektı tūrǧyn üi, gazdandyru salalarynda oŋ şeşım bar. Oblys äkımı Gülşara Äbdıqalyqova Baiqoŋyr qalasyn damytu mäselelerın qarap, QR Prezidentınıŋ «Baiqoŋyr» keşenındegı arnauly ökılınıŋ qyzmetın qamtamasyz etu basqarmasynyŋ basşysy Jasūlan Abatovtyŋ atqarǧan jūmystaryn saralady.
Jiynda Baiqoŋyr qalasyn jylu elektr stansiiasyn gazǧa qosu mäselesı qaraldy. Bügıngı taŋda qala äkımşılıgı qajettılıktı eskere otyryp tiıstı şaralardy qabyldady. Būl rette oblys äkımdıgı men salalyq ministrlık jylu elektrstansiiasyna gaz jetkızu baǧytynda bırlesken jūmystardy atqaruda. Eger de stansiiany gazǧa qosu mäselelerı tolyqqandy jürgızılse, tūrǧyndar üşın kommunaldyq qyzmet tölemderı bırşama tömendeidı.
Sondai-aq, biyl Töretam, Aqai eldı mekenderın gazdandyru üşın joba qūrylysyn qarjylandyruǧa ötınım berıldı.
Basqosuda Baiqoŋyrdaǧy tūrǧyn üilerdı qazaqstandyqtarǧa jekeşelendıru mäselesı de aityldy. Bügıngı taŋda Qazaqstan-Resei arasyndaǧy bırlesken talqylaular jürgızılıp, qos tarap arasynda jekeleşelendırudıŋ maŋyzdylyǧy aiqyndaldy. Aldaǧy uaqytta bırlesken şeşımderdı qabyldau boiynşa ortaq ūstanym bolady.
Qazırgı taŋda Baiqoŋyrda 75 myŋnan astam adam tūrady. Onyŋ 66 paiyzdan astamy qazaqstandyqtar. Būǧan deiın tūrǧyn üidı jekeşelendıru ǧaryş keşenın paidalanu jönındegı kelısım boiynşa tyiym salynǧan bolatyn.
Kezdesude talqylanǧan taǧy bır mäsele – Baiqoŋyr qalasy äkımşılıgıne qarasty mektepterde qazaq tılı men ädebietı, Qazaqstan tarihy pänderın oqytu.
Jasūlan Abatov būl mäselede qos taraptyŋ Bılım ministrlıgımen bırlesken şeşımder qabyldanǧannan keiın oqytu prosesıne qajettı jūmystardy aldyn ala saralau qajet ekenın tılge tiek ettı. Būl rette Baiqoŋyrda pedagogtardyŋ oqu jüktemesıne qatysty aitarlyqtai problema bolmaidy.
Basqarma basşysynyŋ ūsynystaryn saralaǧan oblys äkımı Baiqoŋyr qalasynda äleumettık mäselelerdı tūraqty türde şeşu, tūrǧyndarǧa tüsındırme jūmystaryn küşeitu jäne baiqoŋyrlyqtardyŋ tūrmystyq äleuetın köteru üşın atqarylatyn şaralardyŋ uaqytyly jüzege asuyn qadaǧalaudy qaperge saldy.
"Adyrna" ūlttyq portaly
Ūqsas jaŋalyqtar
