Bügın oblystyq mäslihattyŋ kezektı XXXIV sessiiasyna qatysqan Qyzylorda oblysynyŋ äkımı Mūrat Ergeşbaev küşıne engen jaŋa Ata Zaŋda azamattardyŋ qūqyqtary men bostandyqtaryn qorǧau, zaŋ üstemdıgın qamtamasyz etu, ädılettı qoǧam qūru basty maqsat retınde belgılengenın atap öttı.
«Jaŋa Preambulada baiyrǧy qazaq jerınde memlekettılıktı nyǧaita otyryp, Ūly Dalanyŋ myŋjyldyq tarihi sabaqtastyǧyn saqtau basty qaǧidat retınde bekıtılgen. Bilık tarmaqtarynyŋ tepe-teŋdıgı nyǧaitylyp, basqaru jüiesı zaman talabyna sai jaŋǧyrtyldy.
Būl – memleketımızdıŋ tūǧyryn nyǧaityp, qoǧamdyq kelısım men tūraqtylyqty saqtauǧa negız bolatyn maŋyzdy qūjat. Mūnyŋ barlyǧy –Qazaqstandy demokratiialyq, qūqyqtyq jäne äleumettık memleket retınde damytuǧa baǧyttalǧan jüielı qadamdar.
Jaŋa Ata Zaŋymyz küşıne engennen keiın Prezidentımız 23 tamyzda Qūryltai sailauyn ötkızu turaly Jarlyqqa qol qoidy. Ūltymyzdyŋ tarihyna altyn ärıppen jazylatyn saiasi kezeŋde barşaŋyzdy eldık müdde jolyndaǧy maŋyzdy ıske belsendı qatysuǧa şaqyramyn», – dedı Mūrat Nälqojaūly.
Jiynda bırqatar azamatqa Memleket basşysy Qasym-Jomart Kemelūlynyŋ jaŋa Konstitusiianyŋ küşıne enuıne orai joldaǧan Qūttyqtau haty jäne Konstitusiianyŋ arnaiy basylymy tabys etıldı.
