QR Memlekettik hatshysy Erlan Qarın qańtardaǵy mıtıng, tártipsizdikter týraly Qasqa Jol Youtube arnasyna suhbat berdi. Almatydaǵy qaqtyǵystar kúsheıgen kezde ınternettiń ne sebepti ajyratylǵanyn túsindirdi, dep habarlaıdy "Adyrna" ulttyq portaly.
«Sırııaǵa qashyp ketken azamat 5,6 qańtarda eldegi radıkaldy oı jaqtaýshylaryna vıdeoúndeý jasady. Aldaǵy ýaqytta ol vıdeo jarııalanatyn shyǵar. Internettiń buǵattalýynyń sebebi sol. Sebebi úndeýinde ol bárin qarýly kúreske, soǵysqa shaqyrady. Bul óte qaýipti jaǵdaı boldy. Eger qoldaý taýyp ketse, jaǵdaı qandaı senarııde órbıtinin aıtý qıyn edi», - dedi Erlan Qarın suhbatynda.
Memlekettik hatshynyń aıtýynsha, úndeý jasaǵan jigit 2011-2012 jyldary elimizdegi lańkestik áreketterge qatysy bar uıymnyń ókili.
«Bul uıym 2011 jyly Aýǵanstan men Pákistan shekarasynda qurylǵan. Keıin sheteldik arnaýly qyzmetterdiń áreketteriniń nátıjesinde talqandalǵan edi. Eń birinshi akııasy Qazaqstanda jasaldy. Osy topqa qatysy bar adam 2012 jyly Eýropada da terrorıstik akııa uıymdastyrdy. Jalpy, toptyń basshylyǵynda 5 adam bolsa, onyń ekeýi eýropalyq, úsheýi qazaqstandyq azamat edi. Bir azamat 2014 jyly Pákistanda ustalyp, elge jetkizilip 20 jylǵa sottaldy. Ekinshisi, 2017 jyly Aýǵanstanda qolǵa túsip, 2018 jyly elge qaıtaryldy. Men ekeýimen de kolonııada kezdesip, suhbat júrgizgenmin. Úshinshisi sytylyp, Sırııaǵa qashyp ketken. Al eýropalyq eki azamattyń birin amerıkandyq barlaý qyzmetteri 2012 jyly Aýǵanstanda , ekinshisin 2014 jyly Sırııada dronmen atyp óltirdi. Qańtarda vıdeoúndeýdi Sırııaǵa qashqan qazaqstandyq azamat jasady», - dep túsindirdi memlekettik hatshy.
E. Qarın sondaı-aq 2016 jyly Aqtóbedegi terrorıstik aktilerdiń senarııi men Almatydaǵy strategııalyq nysandardy basyp alý áreketteri óte uqsas ekenin alǵa tartyp otyr. Ol kezde lańkester halyqaralyq terrorıstik uıym ókilininiń aýdıoúndeýi arqyly shabýyldar uıymdastyrǵan.
"Adyrna" ulttyq portaly
Suhbattyń tolyq nusqasyn tómendegi silteme boıynsha kóre alasyzdar:
