Qamaýda jazyqsyz jatqan Órken Erzattyń ápkesi júrek tebirenter jazba jarııalady.
Buǵan deıin "Adyrna" ulttyq poraly qamaýdaǵy bul jigit jaıynda maqala jarııalaǵan bolatyn. Maqala taqyryby: ""Baýyrymdy áketkeli uıqy da, kúlki de qashty menen": QazUÝ túlegi jazyqsyz qamaýǵa alyndy". Siltemesi: https://adyrna.kz/post/100495. Tómende Órkenniń ápkesi Ardaq Erzattyń jazbasy berilip otyr:
Osyndaı jaǵdaıdy tek kınodan ǵana kórip edim. Men qoǵamdyq qorǵaýshy retinde búgin baýyrymmen 15 kúnnen beri alǵash ret kezdestim... Kezdestim emes, sóılestim deýge bolatyn shyǵar. Sebebi, daýys ótkizbeıtin aına bólip turdy aramyzdy.
Alǵashqy suraǵym: "Urdy ma, soqty ma, qysym boldy ma?"- dedim.
- Adı, ýaıymdama dep jaýap berdi. Ishteı, aman bolǵanyna sansyz shúkir dedim, jylap syqtamaı, túr bermeı shydap jaqsy kóńil-kúımen sóılestim.
Ishim órtenip ketti. "Ata-apam aman ba, jıentaıymdy kimge qaldyrdyń ..." - dep bizdi ýaıymdap jatyr.
Meıirimdi baýyrym meniń 
.
.Myń suraq mıymda maza berer emes, bolashaǵynan úmit kúttiretin kenjetaıymyz, jalǵyz baýyrymnyń endigi jaǵdaıy ne bolmaq?! Aqıqat qashan oryn alady, baýyrym qashan myna kúdikten arylyp ortamyzǵa oralady?!
Baýyrym ádilettilikten áli de úmiti baryn aıtty. Barlyǵy jaqsy jaǵynan oń sheshimmen bolar. Men shydaımyn ári barlyǵy ádil bolyp meniń kinásiz ekenim dáleldenedi dep senim bildirip: "MEN AQPYN, MEN ÚShIN UIaLMAŃDAR"- DEDI.
Árıne, botam, biz árqashan ózińmen maqtanamyz. Bul kúnderde óter, ádiletti sot ókilderine senim bildiremiz.
Men baýyryma kúsh beremin be dep oılap edim, qaıta maǵan baýyrym kúsh berdi...
Qurmetti prokýratýra qyzmetkerleri, tergeýshi prokýror, aıyptaýshy, komıssııa músheleri, qoǵamnyń belsendi músheleri sizderden ótinerim, baýyrym Erzat Órkenge (28.01.2022j) istemegen isi úshin kúdikti retinde qaramaı, tezirek onyń kinásizdigin anyqtap bosatýlaryńyzdy suraımyn.
Ýaıymdap jatqan barsha jaqyndaryna, dostaryna, tanystaryna amandyǵyn jetkizýdi aıtty.
(Órkenniń ápkesi Ardaqtyń jazbasy)
Redakııadan:
Quziretti organdardan istiń aq-qarasy anyqtalyp, jazyqsyz japa shegip otyrǵan Órkenniń tezirek bostyndyqqa shyǵýyn suraımyz. Kózi ashyq, kókiregi oıaý, bilimdi, ilimdi Órken sııaqty azamattardan basbuzarlyq, tonaýshylyq, terrorıstik tárizdi zulymdyqtardyń shyqpasy aıtpasa da túsinikti. Bolashaǵynan úmit kúttirer jastyń tezirek bosap shyǵyp, týystarymen qaýyshýy el keleshegi úshin de mańyzdy dep esepteımiz.
"Adyrna" ulttyq portaly
