Atyrau oblysy prokuraturasy Jangeldin auylynda qaza tapqan Qarabalinder otbasyna qatysty qylmystyq ıs boiynşa jaŋa män-jailardy jariialady, dep habarlaidy "Adyrna" ūlttyq portaly.
Tergeu Atyrau oblystyq polisiia departamentı tarapynan jürgızılude. Bastapqyda ıs Qylmystyq kodekstıŋ 99-baby 2-bölıgınıŋ 1-tarmaǧy (ekı nemese odan da köp adamdy öltıru) boiynşa tırkelgen. Alaida keiın jaŋa epizodtar anyqtalyp, küdıktı küieu bala Sūltan Särsemalievke taǧylǧan aiyptar keŋeitıldı.
Prokuratura mälımetınşe, jäbırlenuşılerdıŋ malyn satu jäne mülkın iemdenu derekterı boiynşa Qylmystyq kodekstıŋ 188-baby («Ūrlyq») jäne 190-baby («Alaiaqtyq») boiynşa bölek ıster tırkelgen. Osylaişa, ıs boiynşa alaiaqtyqqa qatysty üşınşı epizod paida bolǧan. Onyŋ naqty män-jailary äzırge jariialanǧan joq.
Sonymen qatar, ıs boiynşa taǧy bır küdıktı – qaza bolǧandardyŋ qyzy, Aqbaian Mūqanǧalievaǧa qatysty da aqparat berıldı. 10 nauryzda tergeu sotynyŋ şeşımımen ol sot-psihologiialyq-psihiatriialyq saraptamadan ötu üşın arnaiy medisinalyq mekemege jıberılgen.
Qadaǧalau organynyŋ habarlauynşa, qazırgı uaqytta onyŋ äreketterıne qūqyqtyq baǧa berılmegen jäne būltartpau şarasy taŋdalmaǧan. Eger psihikalyq auytqu belgılerı anyqtalsa, Sot saraptamalary instituty bazasynda stasionarlyq keşendı saraptama taǧaiyndau mäselesı qaralady.
Prokuratura barlyq män-jailar tolyq anyqtalyp, saraptama qorytyndylary alynǧannan keiın küdıktılerdıŋ äreketterıne tüpkılıktı qūqyqtyq baǧa berıletının mälımdedı. Tergeu merzımı jürgızılıp jatqan saraptamalar men prosessualdyq äreketterdıŋ kölemıne bailanysty bolady.
