Almaty oblysynda pravoslav hrıstıandarynyń zıratyn buzdy degen kúdikke ilingen psıhıkalyq aýytqýy bar adam ustaldy. Buǵan deıin belgisiz bireýler Úshtóbedegi pravoslav hrıstıandarynyń zıratyn buzǵany týraly habarlaǵan bolatyn, dep jazady "Adyrna" ulttyq portaly.
Onyń vıdeosy áleýmettik jelide jarııalanyp, vandalızm qoǵamnyń ashýyn týdyrdy. Oǵan prezıdent Qasym-Jomart Toqaev ta ún qosty. Memleket basshysynyń tapsyrmasymen vandalızm jaǵdaıy ishki ister mınıstrliginiń baqylaýyna alyndy.
Sputnik.kz saıtynyń málimdeýinshe, búgin Almaty oblysynyń polıeıleri 34 jastaǵy er adamdy ustady. Ol zırattardy buzýǵa qatysy bar degen kúdikke ilindi. Úshtóbe polıııasyna jetkizilgen er adamnyń bala kezden psıhıkalyq aýytqýy bar bolyp shyqty. Onyń iske qatystylyǵy saraptama jáne kýágerler arqyly anyqtaldy.
- Vandalızm áreketi 16 qańtarda oryn alǵany belgili boldy. 14 zıratqa zalal keltirilgen. Olardyń qorshaýlary syndyrylyp, krestteri men qabir basyndaǵy jazýlary julynǵan. Urlaý faktisi tirkelgen joq. Zıraty qıratylǵandardyń týystaryna habar berildi, - delingen habarlamada.
Qazirgi kúni kúdiktini psıhonevrologııalyq dıspanserge ornalastyrý máselesi sheshilip jatyr. Kúdiktiniń anasy ulynyń áreketi úshin keshirim surap, vıdeo jarııalady.
"Adyrna" ulttyq portaly
