Qazaqstanda burynǵy prezıdent Nursultan Nazarbaevty tıispeýshilik mártebesinen aıyrý týraly petıııaǵa qol jınaý bastaldy. 19 qańtardaǵy málimet boıynsha, oǵan qol qoıǵandar 2 myńǵa jýyqtady.
Petıııa avtory onda "Tuńǵysh prezıdent týraly" zańǵa sáıkes, Nursultan Nazarbaevqa qandaı artyqshylyqtar berilgenin eske salǵan:
- Nazarbaevty ustaýǵa qamaýǵa, tintýge, tergeýge bolmaıdy, oǵan jáne otbasyna tıesili múlikterge qol suǵýǵa tyıym salynǵan;
- Nazarbaev pen otbasy ómir boıy kúzetiledi, eks-prezıdenttiń ómiri men densaýlyǵy saqtandyrylǵan;
- Oǵan prezıdent jalaqysynyń 80 paıyzyna teń zeınetaqy tólenedi, onymen birge turǵan otbasy múshesiniń árqaısysyna aı saıyn járdemaqy tólenedi;
"Erkin demokratııalyq qoǵam qurǵysy keletin Qazaqstanda mundaı artyqshylyqtarǵa jol berýge bolmaıdy dep sanaımyz. Buǵan qosa, Nazarbaev otbasy men týystarynyń tabys kózi kúmándi. Munyń barlyǵy zańdy jáne obektıvti zerttelýi tıis, alaıda bul joǵaryda atalǵan zańǵa ( "Qazaqstan Respýblıkasynyń tuńǵysh prezıdenti - Elbasy" týraly zań – red.) qaıshy. Atalǵan zańnyń kúshin joıýdy talap etemiz" delingen petıııada.
Sarapshylar keıingi kezde jurt aldyna kórinbeı ketken, 18 qańtarda ǵana vıdeomálimdeme jasap, eldegi oqıǵalarǵa pikirin bildirgen Nursultan Nazarbaevtyń yqpaly álsiregenin aıtady. Sońǵy ýaqytta onyń jaqyndary men oǵan jaqyn sheneýnikter birinen-soń biri qyzmetterinen ketip jatyr. Buǵan deıin Nazarbaevtyń óziniń de Qazaqstannan tys jerde ekeni aıtylǵan. Biraq bul resmı túrde rastalmady.
Qazaqstanda 2 qańtarda bastalǵan narazylyq sharalary shamamen bir aptaǵa sozyldy. Oǵan suıytylǵan gazdyń qymbattaýy sebep bolǵan. Narazylar ózge talaptarmen birge otstavkaǵa ketse de, saıası yqpalyn saqtap qalǵan 81 jastaǵy Nursultan Nazarbaevtyń bılikten tolyq ketýin de talap etken. Narazylyqtyń sońy Qazaqstannyń Táýelsizdik tarıhynda buryn-sońdy bolmaǵan iri tártipsizdikke ulasty.
Petıııaǵa myna siltemege kirý arqyly qol qoıa alasyz: https://egov.press/1162-peticija-trebuem-otmeny-zakona-rk-o-pervom-prezidente.html
