«Qazaq kóterilisin Toqaev fashıstik Reseıge satady dep úsh uıyqtasam da túsime kirmepti», - dep jazdy Qazaqstan Ulttyq qaýipsizdik komıtetiniń burynǵy tóraǵasy, general-maıor Álnur Musaev Facebook paraqshasynda.
Ol 1997-2001 jyldary arnaıy qyzmetti basqarǵan, oǵan deıin Nursultan Nazarbaevtyń kómekshisi bolǵan. Sońǵy 15 jyl boıy ol Avstrııada turady. Álnur Musaev el bıligimen qaqtyǵysqa baılanysty týǵan jerin tastap ketkenimen, Qazaqstanda bolyp jatqan oqıǵalardy jiti baqylap otyr.
«Azattyq» radıosyna bergen suhbatynda Álnur Musaev sońǵy aptalarda qoǵamdyq keńistikten joǵalyp ketken Qazaqstannyń tuńǵysh prezıdenti men onyń otbasy týraly áńgimelep berdi.
- Musaev myrza, Nursultan Nazarbaev nege únsiz? Ol Qytaıda, Dýbaıda nemese Reseıde degen nusqalar da paıda boldy, tipti bireýler ony qaıtys boldy, aýyr syrqatqa shaldyqqan nemese úı qamaýynda qaldy degen de pikirler aıtty. Sizdiń nusqańyz qandaı?
– Osyǵan deıin aıtylǵan málimdemelerge qaraǵanda, ony Nur-Sultanda dep boljaýǵa bolady.
- Eldegi eń mańyzdy oqıǵalar týraly nege eshteńe aıtpady?
– Meniń oıymsha, onyń fızıkalyq jaǵdaıy mundaı kúrdeli máselelermen aınalysýǵa múmkindik bermeıdi. Sońǵy jyldary ol tek ókildik etti.
- Ol úıqamaqqa alynǵan joq pa?
- Men olaı oılamaımyn. Negizinen másele onyń jasy men aýyr fızıkalyq jaǵdaıyna baılanysty sekildi.
– Darıǵa Nazarbaeva da parlament otyrysyna kelmedi. Onyń aýyryp qalǵany týraly shyqqan resmı nusqasyna sene alasyz ba?
– Joq, múmkin emes. Meniń oıymsha, onyń otbasy músheleriniń barlyǵy shetelde.
– Eldegi tóńkeris olardy da tóńkerip ketedi dep qorqyp qashyp ketti me, álde Toqaevtan qorqa ma?
– Menińshe, birinshisi: olar revolıýııadan qorqady. Birinshiden, Toqaev pen Pýtınniń keıingi áreketteri olarǵa bılik te olarǵa qarsy shara qoldana alatynyn eskertti. Ekinshisi: sheteldik shottar, jyljymaıtyn múlik olardyń kapıtaly ornalasqan jerde jeke qatysýyn talap etedi.
– Qazaqstan ózgere me, álde sátsiz revolıýııadan keıin túrikmendik despotızmniń kúıin keshe me?
– Meniń oıymsha, Reseı ketpeıdi, ishimizde Reseıdiń federaldy okrýgin qurýǵa tyrysady. Árıne, men budan qatty qorqamyn, biraq bolǵan jaǵdaıdyń bári Reseıdiń protektoratynda bolatynymyzdy kórsetedi. Búginde biz zańdy egemendi táýelsiz memleketpiz, is júzinde bizdi Reseı basyp aldy. Kez kelgen jaǵdaıdy qarap kórińiz, qazirgi ýaqytta basqa nusqasy joq. Onyń qalaı jalǵasatynyn da aıtý qıyn. Men Toqaev áli de dıplomatııalyq jolmen Qazaqstannan áskerılerdi shyǵara alady dep senemin. Eger bul oryndalsa, Qazaqstan Túrikmenstanǵa nemese azııalyq despotızmge aınalmaıdy. Toqaev mindetti túrde belgili bir reformalardy júrgizip, úlken jeńildeýmen 2024 jyly bul qyzmetti basqa adamǵa beredi, Qazaqstannyń órkenıetti qalyptasýy odan ári damıdy. Óıtkeni, biz zaıyrly memleketpiz, halyq óte bilimdi, Tájikstandaǵydaı qatal azıatızm joq. Sondyqtan osyndaı damý jolynan úmittimin. Biraq bizdiń basty tosqaýylymyz – terrıtorııamyzda orys áskerleriniń bolýy jáne olardyń qalalarymyzdy kúzetýi.
"Adyrna" ulttyq portaly
