Ukraina qauıpsızdık qyzmetı Resei aumaǧyndaǧy bırneşe äskeri aerodromdarǧa drondar arqyly auqymdy şabuyl jasady, dep habarlaidy “Adyrna” ūlttyq portaly DW-ǧa sıltep.
NATO-nyŋ mälımetıne säikes, būl – Ukraina tarapy jüzege asyrǧan eŋ ırı äskeri operasiialardyŋ bırı boldy.
Briusselde ötken brifingte NATO-nyŋ joǧary lauazymdy ökılı būl operasiia barysynda Reseidıŋ strategiialyq maŋyzy bar 40-tan astam ūşaǧy zaqymdanyp, olardyŋ 10-13 bırlıgı tolyǧymen joiylǧanyn aitty. Atap aitqanda, Tu-95 (15 dana), Tu-22M3 (12 dana) jäne sirek qoldanylatyn A-50 ūşaqtarynyŋ bırı zaqymdanǧan.
NATO derekterınşe, jasalǧan şabuyl Reseidıŋ 34% strategiialyq bombalauşy küşın ısten şyǧarǧan. Būl ūşaqtar Ukraina aumaǧyna 3000-nan astam qanatty zymyran ūşyrǧan. Al olardyŋ negızgı nysanasy – beibıt tūrǧyndar men azamattyq infraqūrylym bolǧan.
NATO Bas hatşysy Mark Riutte būl operasiiany egjei-tegjeilı talqylaudan bas tartqanymen, Ukraina zaŋdy äskeri nysandarǧa soqqy bergenın atap öttı.
Al sarapşylar «Örmek» operasiiasyn Reseidıŋ strategiialyq aviasiiasyna qarsy jasalǧan tarihtaǧy eŋ ırı soqqy dep baǧalauda. Ukraina qauıpsızdık qyzmetınıŋ mälımetınşe, şabuyl nätijesınde Reseige keltırılgen materialdyq şyǧyn 7 mlrd dollardy qūraidy.
OSINT taldauşylary sputniktık derekter men videojazbalarǧa süiene otyryp, kemınde 13 ūşaqtyŋ naqty zaqymdanǧanyn rastady. Resei qorǧanys ministrlıgı şabuyl faktısın moiyndady. Alaida naqty şyǧyn kölemı körsetılmedı.
Ūqsas jaŋalyqtar
