Búgin, 17 qańtar kúni azamattyq belsendi, aqyn, túrmedegi jyldary "saıası tutqyn" dep tanylǵan Kenjebek Ábishev 56 jasqa qaraǵan shaǵynda qaıtys boldy. Qaraly habardy Azattyqa Ábishevtyń áıeli Gúlmıra Ábisheva rastady, dep habarlaıdy "Adyrna" ulttyq portaly Azattyqqa silteme jasap.
– Tańǵy bes jarymda júrip ketti. "Asqazanym shege jutyp qoıǵandaı bop, aýyryp tur" dep shaǵymdandy. Jedel járdem shaqyryp edim, olar kelgenshe júrip ketti. "Júregi, ınfarkt" dedi. Qýanyshym uzaqqa barmady ǵoı, kónem ǵoı, ne isteımin basqa?, – dedi jasyn tyıa almaǵan belsendiniń áıeli.
Kenjebek Ábishev byltyr 13 qazanda shartty túrde merziminen buryn bosap shyqqan edi. Ol "jazasynyń" qalǵan bóligi ıaǵnı, 2 jyl 4 aı 20 kúndi bostandyǵy shektelgen kúıi óteýi tıis-tin.
Almaty oblystyq soty 2018 jylǵy 21 jeltoqsanda Kenjebek Ábishevti "terrorızmdi nasıhattady" degen aıyppen jeti jylǵa sottaǵan edi. Bılik ony "Qazaqstannyń demokratııalyq tańdaýy" qozǵalysyna qatysy bar dep aıyptady. Nur-Sultan soty bul qozǵalysty ekstremıstik uıym dep tanyǵan. Biraq Eýroparlament ony beıbit uıym dep ataǵan. Qozǵalysqa qýǵyndaǵy eks-bankır, qazir shetelde turatyn Muhtar Áblıazov jetekshilik etedi.
2019 jyly apellıaııalyq sot úkimdi ózgerissiz qaldyrǵan. Biraq 2020 jylǵy 13 naýryzda Qapshaǵaı qalalyq soty jaza merzimin azaıtqan.
Qazaqstandyq quqyq qorǵaýshylar Kenjebek Ábishevti saıası tutqyn dep tanyǵan. Byltyr 11 aqpanda Eýroparlament Qazaqstandaǵy adam quqyǵy ahýaly týraly qabyldaǵan qararynda Nur-Sultandy elde túrmede otyrǵan saıası tutqyndardy bosatýǵa úndegen. Qararda 28 saıası tutqynnyń biri Kenjebek Ábishevtiń de aty ataldy. Qazaqstan bıligi elde saıası tutqyn joq dep esepteıdi.
"Adyrna" ulttyq portaly
