Täuelsızdıktıŋ 30 jyldyǧyna orai Şymkentte jappai jügıru öttı. Asanbai Asqarov atyndaǧy dendrologiialyq saiabaqta sportşylar, sport mektepterınıŋ qyzmetkerlerı men jattyqtyruşylar qatysty. Salauatty ömır saltyn nasihattaityn ıs-şara el täuelsızdıgınıŋ mereitoiy jäne Memleket basşysynyŋ halyq arasynda būqaralyq sportty damytu tapsyrmasyn oryndau aiasynda jüzege asyrylyp otyr, deidı jauapty mamandar.
– Bügıngı būqaralyq jügırudı de el täuelsızdıgınıŋ 30 jyldyǧyna arnap otyrmyz. Bügıngı – üşınşı jügıruge qalalyq dene şynyqtyru jäne sport basqarmasyna qarasty 29 mekemenıŋ qyzmetkerlerı jūmyldyrylǧan. Qatysuşylar 1,7 jäne 7 şaqyrymǧa jügıredı. Jalpy, Prezidenttıŋ būqaralyq sportty damytu tapsyrmasy Şymkent qalasynyŋ äkımı Mūrat Düisenbekūlynyŋ tıkelei baqylauymen atqaryluda. Bügıngı taŋda Şymkent tūrǧyndarynyŋ 31 paiyzdan astamy būqaralyq sportpen şūǧyldanady. Alda osy mejenı 34 paiyzǧa jetkızu jospary bar. Osy maqsatta üilerdıŋ aulalaryna jalpy sany 115 sport alaŋşasyn salu turaly keşendı jospar jüzege asyryluda. Onyŋ ışınde 14 alaŋşany käsıpkerler öz tarapynan salyp, qala tūrǧyndaryna syiǧa tartady, – dedı basqarma basşysynyŋ orynbasary Ermek Därmenov.
Būqaralyq jügıruge ūzyn-sany 300-ge juyq adam qatysty. Qatysuşylar aldymen dene qyzdyru jattyǧularyn jasap alyp, sodan keiın ekı qaşyqtyqta jügırıp kettı. Jeŋımpazdar merekege qarai ötetın saltanatty ıs-şarada marapattalmaq.
Ūqsas jaŋalyqtar
