Óskemende kópqabatty úıde gaz jarylyp, bir adam jaraqat aldy. Jarylys saldarynan birinshi qabattan besinshi qabatqa deıin terezeler synǵan. Bul týraly Tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Tótenshe jaǵdaılar departamentiniń málimetinshe, gaz-aýa qospasy jarylǵan. Oqıǵa 30 mamyr kúni kópqabatty úıdiń besinshi qabatynda bolǵan.
Jarylys saldarynan ǵımarattyń birinshi qabatynan besinshi qabatyna deıin barlyq terezeler synǵan. Sonymen qatar eki páterdegi bólme arasyndaǵy qabyrǵalar qıraǵan.
"Aýyr jaǵdaıda 1989 jyly týǵan er adam jetkizildi. Ol páterde jóndeý jumysyn júrgizip jatqan. Tótenshe jaǵdaılar departamentiniń qyzmetkerleri páterden turǵyndardy evakýaııalady", – dedi qutqarýshylar.
Qazir oqıǵa ornynda 25 qutqarýshy men 7 birlik tehnıka jumys istep jatyr.
Beınejazbany Telegram arnamyzdan kóre alasyz.
“Adyrna” ulttyq portaly
