Şymkent qalasyna arnaiy jūmys saparymen QR Densaulyq saqtau ministrı Aleksei Soi keldı. Densaulyq saqtau ministrı qaladaǧy halyqaralyq standarttarǧa sai jedel medisinalyq järdem körsetu stansiiasynyŋ Call ortalyǧynyŋ jūmysymen tanysty. Ortalyqta bır auysymda 30 dispetcher jūmys ısteidı.
«Epidemiialogiialyq jaǧdaidyŋ örşuıne bailanysty qazır jedel järdem qyzmetıne künıne 5000-ǧa juyq qoŋyrau kelıp tüsude» - deidı ortalyqtyŋ bas därıgerı G. Qūrmanbekova.Soǧan qaramastan jedel järdem qyzmetkerlerı küşeitılgen rijimde jūmys ıstep, nauqastarǧa medisinalyq kömektı der kezınde körsetıp jatyr. Ortalyqtyŋ jai-küimen tanysqan ministr A.Soi pandemiiamen küreste aldyŋǧy şepte jūmys ıstep jürgen jedel järdem qyzmetkerlerınıŋ eŋbegın joǧary baǧalap, öz alǧysyn bıldırdı. Sondai-aq QR Densaulyq saqtau ministrı Aleksei Soi qyzmettık sapary barysynda №3 qalalyq emhananyŋ jūmysymen tanysty. A.Soi aldymen emdeu mekemesındegı ekpe egu kabinettterın tekserıp, vaksinasiialau jūmystarynyŋ barysyn kördı. №3 qalalyq emhanada alǧaşqylardyŋ bırı bolyp ekpe egu kabinetı aşylǧan edı. Mūnda künıne 500-den asa adamǧa koronavirusqa qarsy vaksina salynady. Sondai-aq, ministr emhana janynan qūralǧan mobildı brigadalar jūmysymen de tanysty. Mobildı top qyzmetkerlerı emhanada tırkelgen nauqastarǧa üi jaǧdaiynda ambulatoriialyq medisinalyq kömek körsetedı. Emhananyŋ bas därıgerımen sūqbattasqan Aleksei Soi nauqastarǧa körsetıletın qyzmetter emhana deŋgeiınde küşeitılse, auruhanaǧa tüsetın pasientter sanyn azaituǧa bolatynyn aityp, mobildı brigadalar sanyn köbeitudı tapsyrdy.
Ūqsas jaŋalyqtar
