Aspannan jauǧan dollardyŋ videosyn bärıŋız körıp ülgergen şyǧarsyzdar. Ne degen köp aqşa!
Şırkın-ai, tüsımızde de körmegen dollarlar! Köpşılık kino tüsırıp jatyr, rekvizit dep, videoǧa senbep edı.
Söitsek, eşqandai da kino emes eken. Ūlttyq qauıpsızdık komitetı «Samūryq-Qazyna» qorynyŋ basqarma töraǧasy Nūrlan Jaqypov pen «Qazaqstan temır joly» ūlttyq kompaniiasynyŋ basşysy Eljas Otynievtıŋ ūstalǧanyn habarlady.
Tergeu qūpiiasyna bailanysty ıstıŋ özge jai-japsary äzırge jariialanǧan joq. Bırden aitaiyn, Ūlttyq qauıpsızdık komitetı ekı basşyny bekerden-beker ūstap otyrǧan joq. Olardy ūstauǧa negız bolǧan dälelder bar degen söz.
Negızı, būl – qarapaiym qyzmetkerlerdıŋ ūstaluy emes. Äŋgıme ekonomikamyzda airyqşa orny bar ekı ırı ūlttyq kompaniianyŋ basşylary turaly. Menıŋşe, būl oqiǧa «Zaŋ men tärtıp» qaǧidatynyŋ ıs jüzınde jüzege asyp jatqanyn körsetedı. Iаǧni, sybailas jemqorlyqqa jol bergen kez kelgen adam qyzmetıne, ataq-abyroiyna nemese būrynǧy eŋbegıne qaramastan, zaŋ aldyndaǧy jauapkerşılıkten bosatylmaidy. Zaŋ bärıne ortaq. Memleket üşın lauazymdy tūlǧanyŋ märtebesınen zaŋnyŋ üstemdıgı maŋyzdy.
Prezidenttıŋ ūstanǧan qaǧidaty, mıne, osy. Toqaev sybailas jemqorlyqtyŋ kez kelgen türıne jol bermeu kerektıgın talai märte eskertken. Ädılettı Qazaqstan qūrudyŋ negızgı şarttarynyŋ bırı – jemqorlyqqa tözbeu, memlekettık müddenı jeke bastyŋ paidasynan joǧary qoiu. Demek, Memleket basşysy osy ūstanymdy qataŋ basşylyqqa alyp keledı dep tolyq senımmen aita alamyz. Bügıngı ekı şeneunıktıŋ ūstaluy memleket eşkımnıŋ lauazymyn zaŋnan biık qoimaitynyn körsetedı.
Jazira Begaly
