«Orystar keldi, aqsha tabýym kerek» dep páterinde turyp jatqan stýdentterdi shyǵaryp jibergen azamatqa kópshilik renish bildirdi, dep habarlaıdy "Adyrna" ulttyq portaly.
Mobılızaııa bastalǵaly Reseıden Qazaqstan terrıtorııasyna ótkenderdiń sany kúrt artty. Olar Oral, Astana, Almaty, Qostanaı sekildi qalalarǵa ornalasyp jatyr. Munyń saldarynan turǵyn úı jaldaý baǵasy sharyqtap ketti. Keıbir azamattar páterin qymbat baǵaǵa jalǵa berý úshin onda turyp jatqan stýdentterdi shyǵaryp jibergen.
Sondaı bir oqıǵany dızaıner maman Merýert Úsenbekqyzy óz paraqshasynda bólisti. Mobılızaııadan qashqandarǵa páterin jalǵa berý úshin stýdentterdi úıinen shyǵaryp jibergen azamat jaıly:
"Orystar keldi, aqsha tabýym kerek», dep ashyq aıtyp tur. Osynda kóbińiz kvartıra berip júrgen shyǵarsyzdar, qalaı jáýteńdetip qýyp shyǵasyzdar, Kótermeńizder baǵany! Qanshama adamnyń kóz jasy men qarǵysy jibermeıdi... Bunyń túbi jaqsylyqqa aparmas.... Elimiz aman, jerimiz tynysh bolsyn!" - dep jazdy avtor.
Úı ıesi jáne páter jaldaýshylar arasynda jazylǵan habarlamalar áleýmettik jelilerdi sharlap, qalyń kópshiliktiń renishin týdyrdy.
