700-den astam qazaqstandyq äleumettık järdemaqylardan öz erkımen bas tartqan. Būl turaly Eŋbek jäne halyqty äleumettık qorǧau ministrlıgı aitty, dep habarlaidy «Adyrna» tılşısı.
Äleumettık tölemderden öz erkımen bas tartuǧa mümkındık beretın sifrlyq servis qazan aiynda eGov Mobile mobildı qosymşasynda ıske qosylǧan. Bügıngı taŋda būl qyzmettı 729 qazaqstandyq paidalanǧan.
Servis äleumettık tölemder men järdemaqy aluşylarǧa memlekettık organdarǧa barmai-aq, memlekettık qoldaudyŋ jekelegen türlerınen bas tartu turaly elektrondy ötınış beruge mümkındık beredı.
Eŋbek ministrlıgı äleumettık tölemderden bas tartu – mındet emes, azamattyŋ öz erkımen qabyldaityn şeşımı ekenın atap öttı. Servis, eŋ aldymen, materialdyq jaǧdaiy jaqsy, otbasynyŋ qajettılıkterın öz betınşe qamtamasyz ete alatyn azamattarǧa arnalǧan. Alaida ömırlık jaǧdaiy özgergen jaǧdaida azamattar memlekettık qoldau alu üşın qaita ötınış beruge qūqyly.
Aita keteiık, 2027 jylǧy 1 qaŋtardan bastap äleumettık järdemaqylardyŋ bır bölıgı tek mūqtaj azamattarǧa atauly türde berıledı. Būl memleket otbasynyŋ nemese jeke tūlǧanyŋ materialdyq jaǧdaiyn baǧalaitynyn bıldıredı. Otbasylardyŋ materialdyq jaǧdaiyn obektivtı baǧalau üşın öŋırlerde järdemaqy aluşylardyŋ üilerıne baryp, tekseru jürgızıledı.
