رەسەي سەرىكتەستىگىنىڭ باسشىسى ەۆگەني پريماكوۆ ونىڭ ۆەدومستۆوسى قازاقستاننىڭ اقپارات مينيسترلىگىمەن جانە ونىڭ جاڭا "ورىسفوبياشىل" ءمينيسترى اسقار ۋماروۆپەن قارىم-قاتىناسىن تولىعىمەن توقتاتاتىنىن ايتتى. بۇل تۋرالى پريماكوۆ ءوزىنىڭ Telegram-كانالىندا جازدى، دەپ حابارلايدى "ادىرنا" ۇلتتىق پورتالى.
«شاماسى، ۋماروۆ مىرزانىڭ تاعايىندالۋى پرەزيدەنت مىرزا [قازاقستان قاسىم-جومارت توقاەۆ] جاساعان ەڭ قاتە دەگەن كومپوميستەرىنىڭ مىسالى بولىپ تابىلادى. <...> مەنىڭ ويىمشا، ەگەر ۋماروۆ مىرزا قازاقستانداعى ورىستارعا دەگەن ءوزىنىڭ ناتسيستىك جانە شوۆينيستىك كوزقاراستارىنان اشىق تۇردە باس تارتسا، مۇنداي مۇقيات ويلاستىرىلعان جانە جوسپارلانعان كومپروميستەر ءبىزدىڭ حالىقتار اراسىنداعى كوپ عاسىرلىق باۋىرلاستىق دوستىقتى بۇزا المايدى»، - دەپ جازدى پريماكوۆ.
ول سونداي-اق رەسەي سەرىكتەستىگىنىڭ قازاقستانمەن بايلانىس جاسامايتىنىن، جۇمىس ىستەمەيتىنىن جانە "ورىسفوبياشىلمەن" جۇمىس ىستەمەيتىنىن ايتتى.
"ادىرنا" ۇلتتىق پورتالى
