مەملەكەتتىك دۋمانىڭ ۆيتسە-سپيكەرى بوريس چەرنىشوۆ كرەمل قابىرعاسىنىڭ جانىنداعى يوسيف ستالين مەن كسرو-نىڭ باسقا دا مەملەكەت قايراتكەرلەرىنىڭ بەيىتتەرىن، سونداي-اق كەسەنەدە جاتقان ۆلاديمير لەنيننىڭ مۇردەسى بار مەموريالدىق زيراتتى قىزىل الاڭنان الىپ تاستاۋعا شاقىردى. بۇل تۋرالى ول ريا نوۆوستي اگەنتتىگىنە بەرگەن سۇحباتىندا ايتتى، دەپ حابارلايدى "ادىرنا" ۇلتتىق پورتالى.
- ادامدار جاڭا جىلدى اتاپ ءوتىپ، سەرۋەندەپ، ءتۇرلى ايماقتاردان كەلەتىن مۇز ايدىنى مەن ساۋدا ورتالىقتارى ورنالاسقان جەردە بۇل كۇپىرلىك بولىپ تابىلادى، — دەپ ءتۇسىندىردى پارلامەنت مۇشەسى.
ونىڭ ايتۋىنشا، قىزىل الاڭ كوپتەن بەرى «ادامداردى مازاق ەتەتىن» جەرلەۋ كەشەنىنەن بوساتىلۋى كەرەك.
بۇعان دەيىن كرەمل وكىلى دميتري پەسكوۆ رەسەي بيلىگىنىڭ رەۆوليۋتسيونەر جانە بولشەۆيكتەردىڭ جەتەكشىسى ۆلاديمير لەنيننىڭ دەنەسىن الىپ تاستاۋ جوسپارلارى جوق دەپ مالىمدەدى. پەسكوۆ بۇل ماسەلە قازىر كۇن تارتىبىندە ەمەس، سەبەبى، باسقا ماسەلەلەر تولىپ جاتىر دەپ قوسقان بولاتىن.
"ادىرنا" ۇلتتىق پورتالى
