قازاق تىلىندەگى اقپاراتتىڭ دۇرىس جازىلۋىنا كوڭىل بولەيىك

3893
جۇرگەن جەرىمدە جازۋلاردىڭ قازاقشاسىنا قاراپ جۇرەم. قوعامدىق تاماقتانۋ ورىندارىنا بارعاندا اس ءمازىرىنىڭ قازاقشاسىن سۇراتام. بولماسا، اكىمگەرىن شاقىرتىپ، قازاقشاسىنىڭ بولۋىنىڭ ماڭىزدىلىعىن تۇسىندىرەم. “قازاق ءتىلى بىزگە قاجەت بولماسا، باسقا كىمگە كەرەك” دەگەنگە ساياتىن اڭگىمە ايتىپ، نامىسىن وياتۋعا تىرىسام.
ءبىر كۇنى زاڭگەر دوسىم ابزال قۇسپان:
“ويباي-اۋ، ونىڭ جاراسى جەڭىل. تۇتىنۋشىلاردىڭ قۇقىعىن قورعاۋ تۋرالى زاڭ بار. سول زاڭنىڭ پالەنبايىنشى بابىنا سايكەس، قازاق تىلىندە قىزمەت كورسەتۋگە مىندەتتى. ايتپەسە، سوتقا جۇگىنىپ، پالەنباي ايىپپۇل سالدىرۋعا بولادى”، - دەپ كەڭەس بەردى.
نامىسقا جۇگىنۋدەن گورى، زاڭعا جۇگىنۋ ءوتىمدى بولىپ شىقتى. تالاي رەت كوزىم جەتتى.
كۇنى كەشە مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات جانە ءدىني قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا قول قويدى.
زاڭعا سايكەس، بۇدان بىلاي بارلىق كورنەكى اقپارات، ايتالىق جەر-سۋ، كوشە اتاۋلارى، ماڭدايشالار، پرەيسكۋرانتتار، اس ءمازىرى جانە ت.ب. الدىمەن قازاقشا، تەك قاجەت بولعان جاعدايدا باسقا تىلدەردە جازىلادى.
ەندىگى جەردە “نەگە قازاق تىلىندە جوق” دەگەن اڭگىمە دە تىيىلاتىن بولدى دەپ ويلايمىن. كەلەسى ماسەلە قازاق تىلىندەگى اقپاراتتىڭ كالكاسىز، تۇسىنىكتى تىلمەن جازىلۋىنا كوڭىل ءبولىپ جۇرسەك.
شىڭعىس مۇقان، 
شىمكەنت قالاسى اكىمىنىڭ ءبىرىنشى ورىنباسارى 
پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket