بيىل ەلىمىزدىڭ باتىس وڭىرلەرىندەگى قۋاڭشىلىققا بايلانىستى ەرىكتىلەردى بىرىكتىرىپ، سول وبلىستارعا جەم-ءشوپ جىبەرۋگە ايرىقشا ۇلەس قوسقان قۇرمەت تالاپقازى قر پرەزيدەنتى قاسىم-جومارت توقاەۆتىڭ «حالىق العىسى» مەدالىنە يە بولدى، دەپ حابارلايدى «ادىرنا» ءتىلشىسى Zakon.kz-كە سىلتەمە جاساپ.
تۇركىستان وبلىسى اكىمدىگىنىڭ ءباسپاسوز قىزمەتى ءمالىم ەتكەندەي، حالىقتىڭ العىسىنا بولەنگەن قۇرمەت تالاپقازىعا ماراپاتتى تۇركىستان وبلىستىق قوعامدىق دامۋ باسقارماسىنىڭ باسشىسى اڭسار وسەرباەۆ تاپسىردى.
قۇرمەتتىڭ وتانشىلدىعى جاستارعا ۇلگى بولاتىنىن ايتقان باسقارما باسشىسى وعان ەستەلىك سىيلىق ۇسىنىپ، تۇركىستان ءوڭىرىنىڭ ەڭبەكقور جۇرتشىلىعى يگى باستامالاردى ارقاشان قولداپ كەلە جاتقانىن اتاپ ءوتتى. ازاماتقا ەلدىڭ ىقىلاسى ەرەكشە ەكەنىن جەتكىزدى.
ەسكە سالساق، قوعام بەلسەندىلەرى الەۋمەتتىك جەلى ارقىلى بيىل الا جازداي قۋاڭشىلىقتان زارداپ شەككەن ماڭعىستاۋ وبلىسىنا ءشوپ جيناپ كومەك كورسەتكەن قۇرمەت تالاپقازىعا تاۋەلسىزدىك كۇنىنە وراي قۇرمەت كورسەتىلۋىن تالاپ ەتكەنىن جازعان ەدىك.