ەڭبەكشى اۋدانى «ۇزدىك اۋدان» نوميناتسياسىن جەڭىپ الدى

2362
Adyrna.kz Telegram

شىمكەنت قالاسى اكىمدىگى جانە شىمكەنت قالاسىنىڭ «ازاماتتىق اليانسى» قاۋىمداستىعىنىڭ باستاماسىمەن 2012 جىلدان باستاپ “تازا قالا” اكتسياسى ۇيىمداستىرىلىپ كەلەدى.

اكتسيانىڭ باستى ماقساتى، تۇرعىنداردى قالانىڭ جانە ءۇيىنىڭ اۋلاسىن تازا ۇستاۋعا بىرىكتىرۋ، كورشىلەر اراسىنداعى ۇيىمشىلدىققا، ءوزى تۇرىپ جاتقان جەرىنە جاناشىرلىقپەن قاراۋعا باۋلۋ بولىپ سانالادى.

2021 جىلى دا اتالعان اكتسيا ءوز جالعاسىن تاۋىپ، “ۇزدىك اۋلا”، “ۇزدىك كوشە”، “ۇزدىك شاعىناۋدان”، “ۇزدىك اۋدان”، “ۇزدىك شاعىن بيزنەس”، “ۇزدىك قۇقىق قورعاۋشى”، "ۇلگىلى كوممۋنالدىق قىزمەتكەر” نوميناتسيالارى بويىنشا جۇرگىزىلدى.

29.12.2021ج. اتالعان نوميناتسيالار بويىنشا جەڭىمپازدار انىقتالدى. ولار ديپلوم جانە اقشالاي سىياقىلارمەن ماراپاتتالىپ، ىنتالاندىرىلدى. ✅

سونىمەن قاتار، “تازا قالا-2021” اكتسياسىنىڭ “ۇزدىك اۋدان” نوميناتسياسى بويىنشا 4 اۋدان ىشىنەن ەڭبەكشى اۋدانى جەڭىمپاز اتاندى!

ايتا كەتەتىن جايت، ەڭبەكشى اۋدانى 2019 جىلى دا اتالعان نوميناتسيانى جەڭىپ الىپ، “ۇزدىك اۋدان” اتانعان بولاتىن.

قۇرمەتتى تۇرعىندار!
اۋدانىمىزداعى ءاربىر يگى ىستەر، جاڭاشىلدىقتار وزدەرىڭىزبەن بىرگە اتقارىلىپ كەلەدى. سۇيىكتى قالامىزدى كورىكتەندىرىپ، اجارىن اشا تۇسۋدە ءار تۇرعىنىنىڭ ۇلەس قوسۋى ماڭىزدى.

اۋدانىمىزدىڭ بۇگىنگىدەن دە اسەم، كورىكتى بولۋىنا ءوز ۇلەسىمىزدى قوسىپ، الداعى ۋاقىتتا دا ۇزدىك بولۋىنا جانە ۇزدىك اتاعىنا لايىقتى بولۋىنا اتسالىسۋعا شاقىرامىز!

پىكىرلەر