«31 ملن تەڭگە»: انتيكور الماتى اكىمدىگىن Tik-Tok بايقاۋىنا بايلانىستى تەكسەرمەك

1608

الماتىنىڭ سىبايلاس جەمقورلىققا قارسى قىزمەتى قىركۇيەك ايىندا وتكەن «AlmatyTikTokChallenge» بايقاۋىنىڭ قۇجاتتارىن زەرتتەپ جاتىر، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.

قالانىڭ كرەاتيۆتى يندۋستريالار باسقارماسى «AlmatyTikTokChallenge» بايقاۋىن وتكىزگەن بولاتىن. ونىڭ ناتيجەلەرى بويىنشا بايقاۋ ۇيىمداستىرۋشىسىنىڭ بالالارى جەڭىمپاز اتاندى. بۇل الەۋمەتتىك جەلىلەردە قوعامدىق رەزونانس تۋدىردى.

«سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى ءمان-جايدى قاراستىرىپ جاتىر. ونىڭ اياسىندا الماتىنىڭ كرەاتيۆتى يندۋستريا باسقارماسىنان TikTok كونكۋرسىنىڭ قۇجاتتارى سۇرالدى. سۇراتىلعان قۇجاتتاردى العاننان كەيىن جانە ولاردى زەردەلەگەننەن سوڭ ودان ءارى شەشىم قابىلدانادى. بۇل تۋرالى سىزگە قوسىمشا حابارلايمىز»، – دەپ ءتۇسىندىردى باسشىنىڭ ءبىرىنشى ورىنباسارى دانيار تاۋمۇرات.

اكىمدىك بۇل بايقاۋدى وتكىزۋگە 31 ملن تەڭگە جۇمساعان.

جەڭىمپازدار سىيلىققا قىمبات تەحنيكا الدى. بايقاۋعا قاتىسۋ ءۇشىن TikTok الەۋمەتتىك جەلىسىندە #Almatyday2021 تەگىمەن بەينە جاريالاۋ قاجەت بولدى.

جەڭىمپازداردى قارالىم سانى مەن بەينەنىڭ كرەاتيۆتىلىگى بويىنشا انىقتادى.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket