تالدىقورعاندا 3 جىل بويى قىزىنا زورلىق كورسەتكەن اكە انىقتالدى

5058
Adyrna.kz Telegram

تالدىقورعان تۇرعىنى 12 جاستاعى وگەي قىزىن ءۇش جىل بويى ازعىرىپ كەلدى دەگەن كۇدىكپەن ۇستالدى. بۇل تۋرالى كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعى باسشىسىنىڭ مىندەتىن اتقارۋشى رۇستەم دۇيسەتاەۆ حابارلادى، دەپ حابارلايدى «ادىرنا» ءتىلشىسى «استانا» ارناسىنا سىلتەمە جاساپ.

قورلىق كورگەن قىز وزىنە قول سالماقشى بولعان. مامانداردىڭ ارالاسۋىمەن بۇل ءىس شەشىمىن تاپتى. بىراق ەلىمىزدە كارانتين جانە شەكتەۋ شارالارى ەنگىزىلگەن كەزەڭدە مۇنداي قىلمىستار سانى ەداۋىر ارتقان.

"تالدىقورعاندىق 12 جاسار قىزدى انىقتادىق. ول وگەي اكەسى تيسەتىنىن جازعان. سەيسەنبىدە اقپارات كەلدى، سەنبىدە ول ءوزىن ولتىرەمىن دەپ قورقىتتى. جۇمىس بارىسىندا وگەي قىزىن ءۇش جىل بويى زورلاپ كەلگەن وگەي اكەنى ۇستادىق", – دەدى قر ءىىم كيبەرقىلمىسقا قارسى كۇرەس ورتالىعى باستىعىنىڭ ورىنباسارى رۇستەم دۇيسەتاەۆ.

سونداي-اق، كامەلەتكە تولماعان جەتكىنشەكپەن ينتيمدىك تاقىرىپتا حات الماسقان الماتى قالاسىنىڭ 24 جاستاعى تۇرعىنى ۇستالدى. بۇعان قاتىستى قىلمىستىق ءىس سوتقا جولدانعان.

"جىل باسىنان بەرى پورنوگرافيا، ەسىرتكى قىلمىستارى، ونلاين كازينولار قىزمەتى، قارجى پيراميدالارى، باسقا دا الاياقتىق سحەمالار، قاتىگەزدىك نەمەسە سۋيتسيد كۋلتىن ناسيحاتتاۋ، قارۋ ساتۋ جانە ت.ب. قوسا العاندا 7300 شەتەلدىك ينتەرنەت-رەسۋرس انىقتالدى. ولاردىڭ مالىمەتى قازاقستان اۋماعىنان كىرۋگە تىيىم سالۋ ءۇشىن اقپاراتتىق جۇيەگە ەنگىزىلگەن", – دەدى رۇستەم دۇيسەتاەۆ.

«ادىرنا» ۇلتتىق پورتالى

پىكىرلەر