Taldyqorǵan turǵyny 12 jastaǵy ógeı qyzyn úsh jyl boıy azǵyryp keldi degen kúdikpen ustaldy. Bul týraly krımınaldyq polıııa departamenti kıberqylmysqa qarsy kúres ortalyǵy basshysynyń mindetin atqarýshy Rústem Dúısetaev habarlady, dep habarlaıdy «Adyrna» tilshisi «Astana» arnasyna silteme jasap.
Qorlyq kórgen qyz ózine qol salmaqshy bolǵan. Mamandardyń aralasýymen bul is sheshimin tapty. Biraq elimizde karantın jáne shekteý sharalary engizilgen kezeńde mundaı qylmystar sany edáýir artqan.
"Taldyqorǵandyq 12 jasar qyzdy anyqtadyq. Ol ógeı ákesi tısetinin jazǵan. Seısenbide aqparat keldi, senbide ol ózin óltiremin dep qorqytty. Jumys barysynda ógeı qyzyn úsh jyl boıy zorlap kelgen ógeı ákeni ustadyq", – dedi QR IIM kıberqylmysqa qarsy kúres ortalyǵy bastyǵynyń orynbasary Rústem Dúısetaev.
Sondaı-aq, kámeletke tolmaǵan jetkinshekpen ıntımdik taqyrypta hat almasqan Almaty qalasynyń 24 jastaǵy turǵyny ustaldy. Buǵan qatysty qylmystyq is sotqa joldanǵan.
"Jyl basynan beri pornografııa, esirtki qylmystary, onlaın kazınolar qyzmeti, qarjy pıramıdalary, basqa da alaıaqtyq shemalar, qatygezdik nemese sýııd kýltin nasıhattaý, qarý satý jáne t.b. qosa alǵanda 7300 sheteldik ınternet-resýrs anyqtaldy. Olardyń málimeti Qazaqstan aýmaǵynan kirýge tyıym salý úshin aqparattyq júıege engizilgen", – dedi Rústem Dúısetaev.
«Adyrna» ulttyq portaly
