شىمكەنت: ەرەكشە بالالاردىڭ ارماندارى ورىندالادى

637

ءۇشىنشى مەگاپوليستە ەرەكشە بالالار اياز اتاعا حات جازدى. شىمكەنت قالالىق كوزى كورمەيتىن جانە ءالسىز كورەتىن ازاماتتارعا ارنالعان كىتاپحانادا «سيقىرلى ارمان» اتتى قايىرىمدىلىق اكتسياسى اياسىندا قالا اكىمىنىڭ ءبىرىنشى ورىنباسارى شىڭعىس مۇقان مەن بىراقاتار باسقارما باسشىلارى بالالاردىڭ ارماندارى جازىلعان حاتتارىن وقىدى.

ءىس-شارادا اياز اتا مەن اقشاقار كىتاپحاناعا كەلگەن قوناقتارعا بالالاردىڭ اماناتىن جەتكىزدى. شىڭعىس جۇمابەكۇلى العاشقىلاردىڭ ءبىرى بولىپ وقىرمان حاتىن وقىدى. ال ەڭ كوپ بالانىڭ تىلەگىن ورىنداۋ مەگاپوليستىڭ باس دارىگەرى باقىتجان پوزيلوۆقا بۇيىرىپتى. شاھاردىڭ باس دارىگەرى بالالاردىڭ تىلەگىن ورىنداۋ ازاماتتىق بورىشى ەكەنىن جەتكىزدى.
– جاڭا جىل – بالالار ءۇشىن ارماندار ورىندالاتىن مەرەكە. ءبىز سول ارماندارىنىڭ كىشكەنتاي بولسىن بولىگىن ورىنداۋعا ءوز ۇلەسىمىزدى قوسۋعا كەلدىك. ارنايى كىتاپحانادا ورنالاسقان شىرشاعا بالالار اياز اتاعا حاتتارىن قالدىرىپتى. ماعان تۇسكەن حاتتاردا بالاقايلار ويىنشىقتار مەن مەرەكەلىك سىيلىق قالايتىنىن جازىپتى. ال قالاداعى دارىگەرلەردىڭ جاڭا جىلدىق ارمانى – حالىقتىڭ تولىق ۆاكتسينالانۋى، - دەيدى ب.پوزيلوۆ.

ارنايى كىتاپحاناداعى ءوتىپ جاتقان اكتسياعا «اقبوتا» ەرەكشە كۇتىمدى قاجەت ەتەتىن بالالارعا ارنالعان بوبەكجاي مەن «ءۇمىت» مەكتەپ-ينتەرناتى، «قازاق سوقىرلار قوعامىنان 18 بالادان حات تۇسكەن. سونىمەن قاتار بالاقايلار ارنايى كىتاپحانا وقىرماندارىنا جاڭا جىلدىق بەينەقۇتتىقتاۋ جولداعان.

ازامات جاپپار،
فوتو سەرىك قوساەۆ

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket