مەملەكەتتىك قىزمەتكەرلەرگە تاكسي جۇرگىزۋشى بولۋعا رۇقسات بەرىلمەك

870

مەملەكەتتىك قىزمەت ىستەرى اگەنتتىگىنىڭ باسشىسى انار جايىلعانوۆا زاڭعا مەملەكەتتىك قىزمەتكەرلەر جۇمىستان بوس ۋاقىتىندا قوسىمشا تابىس تابۋعا رۇقسات ەتىلەتىن تۇزەتۋلەر ازىرلەنىپ جاتقانىن مالىمدەدى، دەپ حابارلايدى "ادىرنا" ۇلتتىق پورتالى.

وكق بريفينگى بارىسىندا جۋرناليستەر جايىلعانوۆادان مەملەكەتتىك قىزمەتشىلەرگە نەگىزگى جۇمىسىنان باسقا قوسىمشا تابىس تابۋ مۇمكىندىگى تۋرالى سۇرادى.

- قازىرگى ۋاقىتتا زاڭنامادا مۇنداي نورما جوق، بىراق بولاشاقتا ونداي نورمانى ەنگىزۋدى كوزدەيمىز. تۇزەتۋلەردى ازىرلەپ جاتىرمىز، - دەدى اگەنتتىك باسشىسى.

انار جايىلعانوۆا بۇل شەنەۋنىكتەرگە بيزنەسپەن اينالىسۋ مۇمكىندىگىن بەرۋ ەمەس ەكەنىن ءتۇسىندىردى.

- كاسىپكەرلىك ەمەس. بۇل قوسىمشا جۇمىس تۋرالى. مىسالى، بوس ۋاقىتىندا تاكسي جۇرگىزۋشىسى بولىپ جۇمىس ىستەي الادى. سونىمەن قاتار، ەگەر وتباسىن اسىراۋ ءۇشىن قوسىمشا قارجى قاجەت بولسا، تابىس تابا الادى. قازىر تۇزەتۋلەر دايىندالىپ جاتىر. بۇل ءالى قابىلدانباعان نورما. كاسىپكەرلىكپەن اينالىسۋعا تىيىم سالىنادى، - دەدى ول.

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket