نۇرسۇلتان نازارباەۆتىڭ بۇرىنعى كەڭەسشىسى، قازاقستاننىڭ بۇرىنعى مادەنيەت جانە اقپارات ءمينيسترى ەرمۇحامەت ەرتىسباەۆ ۇلتشىلداردىڭ كەسىرىنەن قىتايمەن قارىم-قاتىناسىمىز قالاي بۇزىلعانى تۋرالى ايتىپ بەردى، دەپ حابارلايدى "ادىرنا" ۇلتتىق پورتالى orda.kz-كە سىلتەمە جاساپ.
«وتۆەت باجكەنوۆوي» جاڭا شىعارىلىمىندا قازاقستاننىڭ ساياسي ءومىرىنىڭ بەلسەندى قاتىسۋشىسى جانە كۋاگەرى ەرمۇحامەت ەرتىسباەۆ سينوفوبيا مەن قىتايعا قارسى ميتينگىلەر تولقىنى باستالعان كەزدە قىتايدىڭ قازاقستانمەن قارىم-قاتىناسى تۋرالى ۇلكەن ماقالا جازعانىن ايتتى. قاسىم-جومارت توقاەۆقا بۇل ماقالا ۇنادى. ونىڭ ۇستىنە ول قىتايتانۋشى، ءوزىنىڭ ەڭبەك جولىن قحر-دا كسرو كەزىندە ەلشىلىكتەن باستاعان جانە قىتاي ءتىلىن جەتىك مەڭگەرگەن.
گۇلنار باجكەنوۆا «بۇل رەتتە قىتايمەن قارىم-قاتىناسىمىز ناشارلادى، ويتكەنى ولار قازىر ءبىزدىڭ جۇكتەردى وتكىزبەيدى» دەپ اتاپ ءوتتى.
– سوڭعى، ايتالىق، جارتى جىل ىشىندە بەلگىلى ءبىر شيەلەنىس بولۋى مۇمكىن. قىتايعا قارسى تاقىرىپتى ۇنەمى كوتەرتەن ۇلتشىلدارىمىزعا راحمەت ايتۋ كەرەك. رەسەي فەدەراتسياسىمەن قارىم-قاتىناستى بۇزعىسى كەلەتىن دە ۇلتشىلدارىمىز بار. قۇداي ساقتاسىن، ولاردىڭ جوسپارلارى جۇزەگە اسسا، ەلىمىز جاپپاي داعدارىسقا ۇشىراپ، تالقاندالسا، وندا ۇلتشىلدارىمىزعا سوڭعى رەت ۇلكەن راحمەت ايتۋ كەرەك، – دەپ جاۋاپ بەردى ەرتىسباەۆ.قازاقستاننان وتەتىن جۇكتەردى قىتاي شەكارادان قاشان وتكىزە باستايدى دەگەن سۇراققا ساياساتتانۋشى بۇل تۇسىنبەۋشىلىكتەن تۋىنداعان ۋاقىتشا جاعداي ەكەنىن ايتتى. سونىمەنت قاتار ول 1992 جىلدىڭ 2 قاڭتارىنان باستاپ قحر-مەن ديپلوماتيالىق قاتىناستار ورناتىلعانىن ايتتى. ەرتىسباەۆتىڭ پايىمداۋىنشا، «قىتاي-قازاقستان قارىم-قاتىناسى تاۋەلسىزدىكتىڭ بارلىق 30 جىلىندا ۇلگى تۇتارلىق بولعان.
"ادىرنا" ۇلتتىق پورتالى
