Nūrsūltan Nazarbaevtyŋ būrynǧy keŋesşısı, Qazaqstannyŋ būrynǧy mädeniet jäne aqparat ministrı Ermūhamet Ertısbaev ūltşyldardyŋ kesırınen Qytaimen qarym-qatynasymyz qalai būzylǧany turaly aityp berdı, dep habarlaidy "Adyrna" ūlttyq portaly orda.kz-ke sılteme jasap.
«Otvet Bajkenovoi» jaŋa şyǧarylymynda Qazaqstannyŋ saiasi ömırınıŋ belsendı qatysuşysy jäne kuägerı Ermūhamet Ertısbaev sinofobiia men Qytaiǧa qarsy mitingıler tolqyny bastalǧan kezde Qytaidyŋ Qazaqstanmen qarym-qatynasy turaly ülken maqala jazǧanyn aitty. Qasym-Jomart Toqaevqa būl maqala ūnady. Onyŋ üstıne ol qytaitanuşy, özınıŋ eŋbek jolyn QHR-da KSRO kezınde elşılıkten bastaǧan jäne qytai tılın jetık meŋgergen.
Gülnar Bajkenova «būl rette Qytaimen qarym-qatynasymyz naşarlady, öitkenı olar qazır bızdıŋ jükterdı ötkızbeidı» dep atap öttı.
– Soŋǧy, aitalyq, jarty jyl ışınde belgılı bır şielenıs boluy mümkın. Qytaiǧa qarsy taqyrypty ünemı köterten ūltşyldarymyzǧa rahmet aitu kerek. Resei Federasiiasymen qarym-qatynasty būzǧysy keletın de ūltşyldarymyz bar. Qūdai saqtasyn, olardyŋ josparlary jüzege assa, elımız jappai daǧdarysqa ūşyrap, talqandalsa, onda ūltşyldarymyzǧa soŋǧy ret ülken rahmet aitu kerek, – dep jauap berdı Ertısbaev.Qazaqstannan ötetın jükterdı Qytai şekaradan qaşan ötkıze bastaidy degen sūraqqa saiasattanuşy būl tüsınbeuşılıkten tuyndaǧan uaqytşa jaǧdai ekenın aitty. Sonyment qatar ol 1992 jyldyŋ 2 qaŋtarynan bastap QHR-men diplomatiialyq qatynastar ornatylǧanyn aitty. Ertısbaevtyŋ paiymdauynşa, «Qytai-Qazaqstan qarym-qatynasy täuelsızdıktıŋ barlyq 30 jylynda ülgı tūtarlyq bolǧan.
"Adyrna" ūlttyq portaly
