ەگەر اقش پەن ناتو رەسەيگە قاۋىپسىزدىك كەپىلدىگىن بەرۋدەن باس تارتسا، ماسكەۋدىڭ جاۋابى مۇلدە باسقاشا بولۋى مۇمكىن. بۇل تۋرالى بۇگىن، 26 جەلتوقساندا رەسەي پرەزيدەنتى ۆلاديمير پۋتين «روسسيا-1» تەلەارناسىندا ايتتى. ونىڭ ايتۋىنشا، نۇسقالاردى تاڭداۋ اسكەري ساراپشىلاردىڭ ۇسىنىستارىنا بايلانىستى بولادى.
سونىمەن بىرگە، مەملەكەت باسشىسى رەسەي بۇل ماسەلە بويىنشا كەلىسسوزدەردىڭ وڭ ناتيجەلەرىنە قول جەتكىزۋگە كۇش سالاتىنىن باسا ايتتى.
«ءبىز ديپلوماتيالىق ۇدەرىس تۇرعىسىنان بىردەڭەنى ءوشىرۋ جانە توقتاتۋدى ۇسىنعان جوقپىز، بىراق ديپلوماتيالىق كەلىسسوزدەر ناتيجەسىنە ناتيجەگە قول جەتكىزۋ ءۇشىن ءوز نۇسقامىزدى ايتتىق. ءبىز زاڭدى تۇردە ۇسىنعان قۇجاتتار اياسىندا سوعان ۇمتىلامىز»، - دەپ قوستى ۆ. پۋتين.
EADaily حابارلاعانداي، 23 جەلتوقساندا وتكەن ءباسپاسوز ءماسليحاتىندا پرەزيدەنت ماسكەۋدىڭ ودان ءارى ارەكەتى اقش-پەن قاۋىپسىزدىك كەپىلدىگى تۋرالى كەلىسسوزدەردىڭ بارىسى ەمەس، «بۇگىنگى كۇنى جانە تاريحي پەرسپەكتيۆا ءۇشىن رەسەيدىڭ قاۋىپسىزدىگىن ءسوزسىز قامتاماسىز ەتۋگە بايلانىستى بولادى» دەپ ەسكەرتتى.
ءپۋتيننىڭ ايتۋىنشا، وسىعان بايلانىستى رەسەيلىك تاراپ «ناتو-نىڭ ودان ءارى شىعىسقا قاراي جىلجۋىن قابىلداۋعا بولمايتىنىن» انىق ءارى ايقىن كورسەتتى.
«ادىرنا» ۇلتتىق پورتالى.
