Eger AQSh pen NATO Reseıge qaýipsizdik kepildigin berýden bas tartsa, Máskeýdiń jaýaby múlde basqasha bolýy múmkin. Bul týraly búgin, 26 jeltoqsanda Reseı Prezıdenti Vladımır Pýtın «Rossııa-1» telearnasynda aıtty. Onyń aıtýynsha, nusqalardy tańdaý áskerı sarapshylardyń usynystaryna baılanysty bolady.
Sonymen birge, Memleket basshysy Reseı bul másele boıynsha kelissózderdiń oń nátıjelerine qol jetkizýge kúsh salatynyn basa aıtty.
«Biz dıplomatııalyq úderis turǵysynan birdeńeni óshirý jáne toqtatýdy usynǵan joqpyz, biraq dıplomatııalyq kelissózder nátıjesine nátıjege qol jetkizý úshin óz nusqamyzdy aıttyq. Biz zańdy túrde usynǵan qujattar aıasynda soǵan umtylamyz», - dep qosty V. Pýtın.
EADaily habarlaǵandaı, 23 jeltoqsanda ótken baspasóz máslıhatynda Prezıdent Máskeýdiń odan ári áreketi AQSh-pen qaýipsizdik kepildigi týraly kelissózderdiń barysy emes, «búgingi kúni jáne tarıhı perspektıva úshin Reseıdiń qaýipsizdigin sózsiz qamtamasyz etýge baılanysty bolady» dep eskertti.
Pýtınniń aıtýynsha, osyǵan baılanysty reseılik tarap «NATO-nyń odan ári shyǵysqa qaraı jyljýyn qabyldaýǵa bolmaıtynyn» anyq ári aıqyn kórsetti.
«Adyrna» ulttyq portaly.
