"جەكە سەكتورداعى ساياجايدا ءورت بولىپ جاتقانى تۋرالى اقپارات 25 جەلتوقساندا ساعات 11:36-دا كەلىپ ءتۇستى", دەلىنگەن قوستاناي وبلىستىق تجد حابارلاماسىندا.
ءورت سوندىرۋشىلەر كەلگەن كەزدە قىزىل جالىن شاتىردى جالماپ، بولمەلەردىڭ ىشىنە قاراي جىلجىعان. مۇندا التى ادام تۇرادى، بىراق ماماندار كەلگەندە ىشتە ەشكىم بولماعان.
كەيىن ءورت سوندىرۋشىلەر №22 ورتا مەكتەپتىڭ بەسىنشى سىنىپ وقۋشىسى كوشەدە ويناپ ءجۇرىپ، قالىڭ ءتۇتىندى بايقاعانىن انىقتادى. بالا بۇل ۇيدە ۇلكەن وتباسى تۇراتىنىن جاقسى بىلەدى ەكەن، ۇلكەن قىز - سەگىز جاستا، ال كىشىسى - ەكى جاستا. ول ءورت سوندىرۋشىلەردىڭ كەلۋىن كۇتپەستەن تەرەزەدەن ۇيگە ىشىنە قويىپ كەتىپ، قالىڭ ءتۇتىن ىشىنەن بارلىق بالالاردى قۇتقاردى.
تجد مالىمەتىنشە، ءورت كەزىندە ۇيدە بالالاردىڭ اتا-اناسى بولماعان. ولار پەشكە وت جاعىپ، دۇكەنگە شىعىپ كەتكەن.
ءورت سوندىرۋشىلەر ءورتتى ءسوندىرىپ، وتتىڭ كورشى ساياجاي ۋچاسكەلەرىنە تارالۋ قاۋپىن جويا الدى. ءورتتىڭ بولجامدى سەبەبى - پەشتى دۇرىس پايدالانباۋ.
"ادىرنا" ۇلتتىق پورتالى
