5-synyp oqýshysy órtten 4 balany aman alyp qaldy

4134
Adyrna.kz Telegram
Qostanaıda 5-synyp oqýshysy úıge tereze arqyly kirip, kezek-kezek tórt balany órtten aman-esen syrtqa alyp shyqqan dep habarlaıdy "Adyrna" ulttyq portaly "Zakon.kz"-ke silteme jasap.

"Jeke sektordaǵy saıajaıda órt bolyp jatqany týraly aqparat 25 jeltoqsanda saǵat 11:36-da kelip tústi", delingen  Qostanaı oblystyq TJD habarlamasynda.

Órt sóndirýshiler kelgen kezde qyzyl jalyn shatyrdy jalmap, bólmelerdiń ishine qaraı jyljyǵan. Munda alty adam turady, biraq mamandar kelgende ishte eshkim bolmaǵan.

Keıin órt sóndirýshiler №22 orta mekteptiń besinshi synyp oqýshysy kóshede oınap júrip, qalyń tútindi baıqaǵanyn anyqtady. Bala bul úıde úlken otbasy turatynyn jaqsy biledi eken, úlken qyz - segiz jasta, al kishisi - eki jasta. Ol órt sóndirýshilerdiń kelýin kútpesten terezeden úıge ishine qoıyp ketip, qalyń tútin ishinen barlyq balalardy qutqardy.

TJD málimetinshe, órt kezinde úıde balalardyń ata-anasy bolmaǵan. Olar peshke ot jaǵyp, dúkenge shyǵyp ketken.

Órt sóndirýshiler órtti sóndirip, ottyń kórshi saıajaı ýchaskelerine taralý qaýpin joıa aldy. Órttiń boljamdy sebebi - peshti durys paıdalanbaý.

"Adyrna" ulttyq portaly

Pikirler