بۇگىن، 2021 جىلعى 25 جەلتوقساندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ پەن الماتى وبلىسىنىڭ اكىمى قانات بوزىمباەۆتىڭ قاتىسۋىمەن "التىن وردا" بازارى ماڭىنداعى "الماتى-رايىمبەك" ۋچاسكەسىندە جاڭا باس ماگيسترالدىق ەستاكادانىڭ اشىلۋى ءوتتى.
اۆتوجول ۋچاسكەسىندە باستى ماگيسترالدىق ەستاكادا، "تاعا" ۇلگىسىندەگى بۇرىلىس ەستاكاداسى، اقساي وزەنى ارقىلى وتەتىن كوپىر جانە جەرۇستى جاياۋ جۇرگىنشىلەر كوپىرى سالىندى.
سونىمەن قاتار، ترانزيتتىك، قوعامدىق جانە جەرگىلىكتى كولىكتەر ءۇشىن 4 شاقىرىمدىق ينجەنەرلىك كوممۋنيكاتسيالار قايتا ورناتىلىپ، 10 جولاقتى جول سالىندى.
جوباعا 200-دەن استام جۇمىسشى مەن 50 تەحنيكا، ونىڭ ىشىندە ءمونوليتتى ارالىق قۇرىلىس جۇمىستارىن قامتۋعا ارنالعان كۇردەلى جابدىقتار تارتىلدى.
"التىن وردا", "بارلىق" بازارلارى مەن "مولل اپورت" ساۋدا - ويىن-ساۋىق ورتالىعىنىڭ ورنالاسقان جەرىن ەسكەرسەك، ەستاكادادا قوزعالىستىڭ اشىلۋى جول ۋچاسكەسىنىڭ وتكىزۋ قابىلەتىن ارتتىرىپ، حالىققا قولايلى جاعداي جاسايدى. جانە ازاماتتاردىڭ بيزنەس جۇرگىزۋى ءۇشىن ينفراقۇرىلىم پروبلەمالارىن شەشۋدە وڭ اسەر ەتەدى.
