بۇگىن – كسرو تۋىنىڭ تۇسىرىلگەنىنە 30 جىل، دەپ حابارلايدى «ادىرنا» ءتىلشىسى.
1991 جىلى 8 جەلتوقساندا بەلوۆەج توعايىندا كسرو-نىڭ ءۇش قۇرىلتايشى رەسپۋبليكالارىنىڭ باسشىلارى بوريس ەلتسين (رەسەي), لەونيد كراۆچۋك (ۋكراينا) جانە ستانيسلاۆ شۋشكەۆيچ (بەلارۋس) كەلىسىمگە قول قويدى. وندا ولار كەڭەستىك سوتسياليستىك رەسپۋبليكالار وداعىنىڭ جۇمىسىن توقتاتاتىنىن مالىمدەدى.
قۇجاتتا: «كسرو حالىقارالىق ساياسي قۇقىق سۋبەكتىسى جانە گەوساياسي شىندىق رەتىندە ءوزىنىڭ ءومىر ءسۇرۋىن توقتاتتى»، — دەپ جازىلدى.
12 جەلتوقساندا بۇل كەلىسىمدى رسفسر جوعارعى كەڭەسى راتيفيكاتسيالادى، سول كۇنى 1922 جىلعى كسرو قۇرۋ تۋرالى شارتتىڭ كۇشىن جويۋ تۋرالى قاۋلى قابىلداندى. بىراق كەڭەس وداعىنىڭ تولىقتاي قۇلاۋ كۇنى بولىپ 25 جەلتوقسان ەسەپتەلەدى.
