تۇركيادا دۋداەۆ اتىنداعى ساياباق اشىلدى. كورفەز قالاسىنداعى ساياباقتىڭ اشىلۋ سالتاناتىنا قالا مەرى قاتىسىپ، دۋداەۆتى "بوستاندىق ءۇشىن سوعىستىڭ ءسيمۆولى" دەپ اتاعان.
بۇل جاڭالىققا رەسەي بيلىگى نارازىلىق ءبىلدىرىپ جاتىر. رەسەيدىڭ ءسىم ماريا زاحاروۆا بىلاي دەيدى: "مۇنداي قادامداردى قولدامايمىز جانە لاڭكەستىڭ اتىنا قۇرمەت بىلدىرۋگە حالىقارالىق قاۋىمداستىق قارسى بولۋى ءتيىس. بۇل رەسەي-تۇركيا قاتىناسىنا نۇقسان كەلتىرەتىن قادام دەپ سانايمىن", — دەدى زاحاروۆا. ول "دۋداەۆ سودىر جانە مىڭداعان رەسەي ازاماتىن ولتىرگەن قانىشەر" دەپ اتادى.
ال پەسكوۆ بولسا "بۇل دۇرىس ەمەس، ارنايى ديپلوماتيالىق جولمەن نارازىلىعىمىزدى بىلدىردىك" دەپ قىسقا قايىردى. دجوحار دۋداەۆ شەشەنستاننىڭ تاۋەلسىزدىگىن جاريالاپ، رەسەيگە قارسى سوعىسقان ەدى. ول 1996 جىلى 22-ساۋىردە اۋە سوققىسىنان قازا تاپتى.
"ادىرنا" ۇلتتىق پورتالى
