Túrkııada Dýdaev atyndaǵy saıabaq ashyldy. Korfez qalasyndaǵy saıabaqtyń ashylý saltanatyna qala meri qatysyp, Dýdaevty "bostandyq úshin soǵystyń sımvoli" dep ataǵan.
Bul jańalyqqa Reseı bıligi narazylyq bildirip jatyr. Reseıdiń SIM Marııa Zaharova bylaı deıdi: "Mundaı qadamdardy qoldamaımyz jáne lańkestiń atyna qurmet bildirýge halyqaralyq qaýymdastyq qarsy bolýy tıis. Bul Reseı-Túrkııa qatynasyna nuqsan keltiretin qadam dep sanaımyn", — dedi Zaharova. Ol "Dýdaev sodyr jáne myńdaǵan Reseı azamatyn óltirgen qanisher" dep atady.
Al Peskov bolsa "bul durys emes, arnaıy dıplomatııalyq jolmen narazylyǵymyzdy bildirdik" dep qysqa qaıyrdy. Djohar Dýdaev Sheshenstannyń táýelsizdigin jarııalap, Reseıge qarsy soǵysqan edi. Ol 1996 jyly 22-sáýirde áýe soqqysynan qaza tapty.
"Adyrna" ulttyq portaly
