اۋىل شارۋاشىلىعى ءمينيسترى ەربول قاراشوكەەۆ ماڭعىستاۋلىق فەرمەرلەردىڭ تالابىنا جاۋاپ بەردى، دەپ حابارلايدى “ادىرنا” ۇلتتىق پورتالى.
بۇعان دەيىن كتك ارناسى فەرمەرلەردىڭ اۋىل شارۋاشىلىعى مينيسترلىگىنە اياق استىنان بارعانىن حابارلاعان. شەنەۋنىكتەرگە كەزدەسۋ ۇيىمداستىرۋعا تۋرا كەلدى. سول جەردە ماڭعىستاۋ وبلىسىنان كەلگەن ادىلبەك ساعىندىقوۆ اۋىل شارۋاشىلىعى ءمينيسترى وتستاۆكاعا كەتۋى كەرەك دەپ مالىمدەدى.
ء"سىز رەنجىمەڭىز، بىراق ماڭعىستاۋدىڭ حالقى سىزگە وكپەلى، جۇمىسىڭىزعا كوڭىلى تولماي وتىر. ايماعىمىزعا قولداۋ قاجەت. قىستىڭ اياقتالۋىنا ەكى اي قالدى. ودان امان شىعۋىمىز ەكىتالاي. بىلتىرمەن سالىستىرعاندا ماڭعىستاۋدا مالدىڭ تورتتەن ءبىر بولىگى عانا قالدى. قالعانى قىرىلدى نەمەسە اقتوبە مەن ورالعا ساتىلىپ كەتتى", - دەيدى فەرمەر.
ورتالىق كوممۋنيكاتسيالىق قىزمەتىندە وتكەن ءباسپاسوز ءماسليحاتىندا مينيستر ەربول قاراشوكەەۆ جۋرناليستەرگە سۇحبات بەرىپ، فەرمەرلەرمەن ءتورت ساعات بويى جينالىس وتكىزگەنىن ايتتى. سول جەردە قولداۋ شارالارى تالقىلاندى.
"مەن - ۇكىمەت مۇشەسىمەن. سوعان قاراماستان، مەنى تاعايىنداۋ نەمەسە وتستاۆكاعا جىبەرۋ تۋرالى شەشىمدى مەملەكەت باسشىسى قابىلدايدى", – دەيدى مينيستر.
ايتا كەتەرى، اۋىل شارۋاشىلىعى مينيسترلىگىنە بارعان فەرمەرلەر قۇرعاقشىلىقتان كەيىنگى مەملەكەت تاراپىنان جاسالىپ جاتقان قولداۋ شارالارىنا نارازى. ولار قىرىلعان مالدى قايتا ساناۋدى تالاپ ەتىپ وتىر. سەبەبى ايماقتا 1 700 باستان ارتىق مال قىرىلدى. ماڭعىستاۋ وبلىسىندا ءشوپتىڭ باعاسى دا شارىقتاپ كەتتى. ولاي جالعاسا بەرسە، قالعان مال قىرىلىپ قالادى. شارۋالار باعانى تەزدەتىپ تومەندەتۋدى سۇرايدى.
بيىل قاتتى قۇرعاقشىلىقتان كەيىن مىڭداعان مال قىرىلدى. حالىقتىڭ نارازىلىعى كۇشەيىپ كەتتى. شارۋالار ءوز كۇشىمەن ءبىر-بىرىنە كومەكتەسە باستادى. ءشوپتى باسقا ايماقتاردان جىبەردى. وسىدان كەيىن مەملەكەت باسشىسى قاسىم-جومارت توقاەۆ ەكس-مينيستر ساپارحان وماروۆقا وتستاۆكاعا كەتۋگە كەڭەس بەردى. ەربول قاراشوكەەۆ اۋىل شارۋاشىلىعى ءمينيسترى قىزمەتىنە 1 قىركۇيەكتە تاعايىندالعان بولاتىن.
”ادىرنا” ۇلتتىق پورتالى
