Fermerler mınıstrdiń otstavkaǵa ketýin talap etti

1011

Aýyl sharýashylyǵy mınıstri Erbol Qarashókeev mańǵystaýlyq fermerlerdiń talabyna jaýap berdi, dep habarlaıdy “Adyrna” ulttyq portaly. 

Buǵan deıin KTK arnasy fermerlerdiń aýyl sharýashylyǵy mınıstrligine aıaq astynan barǵanyn habarlaǵan. Sheneýnikterge kezdesý uıymdastyrýǵa týra keldi. Sol jerde Mańǵystaý oblysynan kelgen Ádilbek Saǵyndyqov aýyl sharýashylyǵy mınıstri otstavkaǵa ketýi kerek dep málimdedi.

"Siz renjimeńiz, biraq Mańǵystaýdyń halqy sizge ókpeli, jumysyńyzǵa kóńili tolmaı otyr. Aımaǵymyzǵa qoldaý qajet. Qystyń aıaqtalýyna eki aı qaldy. Odan aman shyǵýymyz ekitalaı. Byltyrmen salystyrǵanda Mańǵystaýda maldyń tórtten bir bóligi ǵana qaldy. Qalǵany qyryldy nemese Aqtóbe men Oralǵa satylyp ketti", - deıdi fermer.

Ortalyq kommýnıkaııalyq qyzmetinde ótken baspasóz máslıhatynda mınıstr Erbol Qarashókeev jýrnalısterge suhbat berip, fermerlermen tórt saǵat boıy jınalys ótkizgenin aıtty. Sol jerde qoldaý sharalary talqylandy.

"Men - úkimet múshesimen. Soǵan qaramastan, meni taǵaıyndaý nemese otstavkaǵa jiberý týraly sheshimdi memleket basshysy qabyldaıdy", – deıdi mınıstr.

Aıta keteri, aýyl sharýashylyǵy mınıstrligine barǵan fermerler qurǵaqshylyqtan keıingi memleket tarapynan jasalyp jatqan qoldaý sharalaryna narazy. Olar qyrylǵan maldy qaıta sanaýdy talap etip otyr. Sebebi aımaqta 1 700 bastan artyq mal qyryldy. Mańǵystaý oblysynda shóptiń baǵasy da sharyqtap ketti. Olaı jalǵasa berse, qalǵan mal qyrylyp qalady. Sharýalar baǵany tezdetip tómendetýdi suraıdy.

Bıyl qatty qurǵaqshylyqtan keıin myńdaǵan mal qyryldy. Halyqtyń narazylyǵy kúsheıip ketti. Sharýalar óz kúshimen bir-birine kómektese bastady. Shópti basqa aımaqtardan jiberdi. Osydan keıin memleket basshysy Qasym-Jomart Toqaev eks-mınıstr Saparhan Omarovqa otstavkaǵa ketýge keńes berdi. Erbol Qarashókeev aýyl sharýashylyǵy mınıstri qyzmetine 1 qyrkúıekte taǵaıyndalǵan bolatyn.

”Adyrna” ulttyq portaly

Pikirler
Redakııa tańdaýy