بەتاشارى حيت بولعان قالىڭدىق تۇركىستان وبلىسى تۇلكىباس اۋدانى كەمەرباستاۋ اۋىلىنداعى قاراپايىم اۋلەتتەردىڭ بىرىنە كەلىن بولىپ تۇسكەن ەكەن.
بەتاشارعا ميلليوندار شاشىپ، جەلىدەگى جۇرتتىڭ قاتال سىنىنا ۇشىراعان تويشىل اعايىننىڭ اتى-ءجونى انىقتالدى. سالەمىنە 55 ميلليون تەڭگە جيناعان باقىتتى قالىڭدىق تۇركىستان وبلىسى تۇلكىباس اۋدانىنا كەلىن بولىپ تۇسكەن ەكەن، دەپ حابارلايدى “ادىرنا” ۇلتتىق پورتالى Zakon.kz سايتىنا سىلتەمە جاساپ.
بەتاشارى حيت بولعان قالىڭدىق تۇركىستان وبلىسى تۇلكىباس اۋدانى كەمەرباستاۋ اۋىلىنداعى قاراپايىم اۋلەتتەردىڭ بىرىنە كەلىن بولىپ تۇسكەن ەكەن.
كۇيەۋى - 94 جىلعى سەرىك ەسىمدى جىگىت. اۋىلداعى جۇرتتىڭ كىشىسىنەن باستاپ، ۇلكەنىنە دەيىن ونى جاقسى تانيدى. بىراق جاقسى قىرىنان ەمەس، دەلىنەدى "ەۋرازيا " ءبىرىنشى ارناسىنىڭ ارنايى سيۋجەتىندە.
«ءبىزدىڭ اۋىلدىڭ بالاسى، وسى اۋىلدا تۇرادى. ءوزىنىڭ كلاسستاستارىن، جاقىندارىن ءبارىن تارتقان. ۇيگە قايتا-قايتا كەلىپ، ءتۇسىندىرىپ، مىنا 880 مىڭ تەڭگە سالاسىزدار، سودان كەيىن ءار اپتادا 225 دوللاردان الىپ وتىراسىزدار ءار ۆتورنيك سايىن. ادام تارتقان سايىن اقشا تۇسە بەرەدى سىزدەرگە دەپ، - دەدى كەمەرباستاۋ اۋىلىنىڭ تۇرعىنى جاننا.
ءيا، كۇيەۋ جىگىت قارجىلىق پيراميدانىڭ وكىلى بولىپ شىقتى. جەرلەستەرىنە جاقسى ءومىردى جارنامالاپ، ايلىعى 50 مىڭنان ارتىلمايتىن حالىقتى ميللونداپ قارىزعا باتتىرعان اۋىلدىڭ تىرناقشانىڭ ىشىندەگى باتىرى بۇل.
«مەن كىردىم، ەنەم كىردى، كۇيەۋىم كىردى، مەنىڭ اپكەم كىردى. ءبىز سول 4 ادامعا 4 ملن كرەديت الىپ، كىردىك سوعان. التى بالا-شاعامىز بار، كۇيەۋىم ۆاحتادا ىستەيدى، سول ۆاحتانى قوياسىز، كۇشتى اقشا تاباسىز دەگەن سوزىنە قىزىعىپ، سيقىرشى سياقتى ايتادى عوي ادامدى قىزىقتىرىپ»، - دەيدى كەمەرباستاۋ اۋىلىنىڭ تۇرعىنى جاننا.
ءسويتىپ، اۋىلداعى جۇزدەگەن ادامدى ارباۋىنا ءتۇسىرىپ، الداعان دەيدى اۋىلداستارى. ءسوزدىڭ راس-وتىرىگىن بىلمەدىك، بىراق جەرلەستەرى تويعا كەلىپ، بەتاشارعا ميلليونداپ كوسىلگەن قوناقتارى بۇل اقشانى ادال ەڭبەكپەن تاپقاندارىنا كۇمانمەن قاراپ وتىر.
«ارينە، كۇيەۋ جىگىتتى داتتاۋدان دا، جاقتاۋدان دا اۋلاقپىز. بىراق ءبىر نارسە انىق. قايدا بارساڭىز دا جەڭىل اقشا جوق. ەڭبەكسىز، قارجىڭىزدى ەسەلەپ بەرەمىز دەگەندەردىڭ ءار ءسوزى جالعان»، - دەدى زاڭگەر جاندوس تۇياقوۆ.
ال اۋىلداستارىن الداپ، قارجىلىق پيراميداعا تارتقان شۋلى تويدىڭ كۇيەۋ جىگىتى قازىر جەرلەستەرىنەن قاشىپ جۇرگەنگە ۇقسايدى.
“ادىرنا” ۇلتتىق پورتالى
