Úılený toıynda tabaǵyna mıllıondap aqsha túsken kúıeý jigit týystarynan qashyp júr (VIDEO)

1015

Betashary hıt bolǵan qalyńdyq Túrkistan oblysy Túlkibas aýdany Kemerbastaý aýylyndaǵy qarapaıym áýletterdiń birine kelin bolyp túsken eken.

Betasharǵa mıllıondar shashyp, jelidegi jurttyń qatal synyna ushyraǵan toıshyl aǵaıynnyń aty-jóni anyqtaldy. Sálemine 55 mıllıon teńge jınaǵan baqytty qalyńdyq Túrkistan oblysy Túlkibas aýdanyna kelin bolyp túsken eken, dep habarlaıdy “Adyrna” ulttyq portaly Zakon.kz saıtyna silteme jasap. 

Betashary hıt bolǵan qalyńdyq Túrkistan oblysy Túlkibas aýdany Kemerbastaý aýylyndaǵy qarapaıym áýletterdiń birine kelin bolyp túsken eken. 

Kúıeýi -  94 jylǵy Serik esimdi jigit. Aýyldaǵy jurttyń kishisinen bastap, úlkenine deıin ony jaqsy tanıdy. Biraq jaqsy qyrynan emes, delinedi "Eýrazııa " birinshi arnasynyń arnaıy sıýjetinde.

«Bizdiń aýyldyń balasy, osy aýylda turady. Óziniń klasstastaryn, jaqyndaryn bárin tartqan. Úıge qaıta-qaıta kelip, túsindirip, myna 880 myń teńge salasyzdar, sodan keıin ár aptada 225 dollardan alyp otyrasyzdar ár vtornık saıyn. Adam tartqan saıyn aqsha túse beredi sizderge dep, - dedi Kemerbastaý aýylynyń turǵyny Janna. 

Iá,  kúıeý jigit qarjylyq pıramıdanyń ókili bolyp shyqty. Jerlesterine  jaqsy ómirdi jarnamalap, aılyǵy 50 myńnan artylmaıtyn halyqty  mıllondap qaryzǵa battyrǵan  aýyldyń tyrnaqshanyń ishindegi batyry bul.

«Men kirdim, enem kirdi, kúıeýim kirdi, meniń ápkem kirdi. Biz sol 4 adamǵa 4 mln kredıt alyp, kirdik soǵan. Alty bala-shaǵamyz bar,  kúıeýim vahtada isteıdi, sol vahtany qoıasyz, kúshti aqsha tabasyz degen sózine qyzyǵyp,  sıqyrshy sııaqty aıtady ǵoı adamdy qyzyqtyryp», - deıdi Kemerbastaý aýylynyń turǵyny Janna. 

Sóıtip, aýyldaǵy júzdegen adamdy arbaýyna túsirip, aldaǵan deıdi aýyldastary. Sózdiń ras-ótirigin bilmedik, biraq jerlesteri toıǵa kelip, betasharǵa mıllıondap kósilgen qonaqtary bul aqshany adal eńbekpen tapqandaryna kúmánmen qarap otyr.

«Árıne, kúıeý jigitti dattaýdan da, jaqtaýdan da aýlaqpyz. Biraq bir nárse anyq. Qaıda barsańyz da jeńil aqsha joq. Eńbeksiz, qarjyńyzdy eselep beremiz degenderdiń ár sózi jalǵan», - dedi zańger Jandos Tuıaqov. 

Al aýyldastaryn aldap, qarjylyq pıramıdaǵa tartqan shýly toıdyń kúıeý jigiti qazir jerlesterinen qashyp júrgenge uqsaıdy.

“Adyrna” ulttyq portaly

Pikirler
Redakııa tańdaýy