ۆلاديمير پۋتين ءباسپاسوز ءماسليحاتىندا رەسەي ەكونوميكاسى پاندەمياعا بايلانىستى داعدارىس جاعدايىنان از ۋاقىتتىڭ ىشىندە شىققانىن، وزگە ەلدەرگە قاراعاندا تەز "ەسىن" جيعانىن اتاپ ءوتتى دەپ حابارلايدى "ادىرنا" ۇلتتىق پورتالى تاسس اگەنتتىگىنە سىلتەمە جاساپ.
"بۇل شارالاردىڭ ناتيجەسى جامان ەمەس، — دەپ باعالادى پۋتين. — ءبىز داعدارىستان الەمنىڭ باسقا ەلدەرىنە قاراعاندا تەزىرەك شىقتىق. ءبىز جەتەكشى سالالارعا بارىنشا قولداۋ كورسەتتىك".
ونىڭ ايتۋىنشا، پاندەميا كەزىندە شاعىن كاسىپكەرلىك نىساندارى كوپ زارداپ شەككەن. ال ۋاقىتىندا قابىلدانعان بىرقاتار شارالار ءىرى ونەركاسىپتەر مەن كاسىپورىندارعا ءتيىمدى بولعان. ولار ءىس جۇزىندە ءۇزىلىسسىز جۇمىس ىستەدى، ال كەيبىر جاعدايلاردا ءتىپتى ءوسىم بايقالدى، مىسالى، قورعانىس ونەركاسىبىنىڭ كورسەتكىشكى ارتقان.
"ال شاعىن بيزنەسكە كەلسەك، تاماقتاندىرۋ، سپورت زالدارى، تەاترلار، كينوتەاترلار، مۇراجايلار كوپ زارداپ شەكتى", — دەگەن ۆ.پۋتين بۇل سالانى قولداۋ ءۇشىن قانداي شارالار قولعا الىنعانىن ەسكە ءتۇسىردى. ونىڭ ىشىندە نەسيە بەرۋ، جەڭىلدىكتەر، ءبولىپ تولەۋ جانە جەڭىلدىكپەن جالعا بەرۋ، ت.ب. بىرقاتار شارالار بار.
"ادىرنا" ۇلتتىق پورتالى
