Vladımır Pýtın baspasóz máslıhatynda Reseı ekonomıkasy pandemııaǵa baılanysty daǵdarys jaǵdaıynan az ýaqyttyń ishinde shyqqanyn, ózge elderge qaraǵanda tez "esin" jıǵanyn atap ótti dep habarlaıdy "Adyrna" ulttyq portaly TASS agenttigine silteme jasap.
"Bul sharalardyń nátıjesi jaman emes, — dep baǵalady Pýtın. — Biz daǵdarystan álemniń basqa elderine qaraǵanda tezirek shyqtyq. Biz jetekshi salalarǵa barynsha qoldaý kórsettik".
Onyń aıtýynsha, pandemııa kezinde shaǵyn kásipkerlik nysandary kóp zardap shekken. Al ýaqytynda qabyldanǵan birqatar sharalar iri ónerkásipter men kásiporyndarǵa tıimdi bolǵan. Olar is júzinde úzilissiz jumys istedi, al keıbir jaǵdaılarda tipti ósim baıqaldy, mysaly, qorǵanys ónerkásibiniń kórsetkishki artqan.
"Al shaǵyn bızneske kelsek, tamaqtandyrý, sport zaldary, teatrlar, kınoteatrlar, murajaılar kóp zardap shekti", — degen V.Pýtın bul salany qoldaý úshin qandaı sharalar qolǵa alynǵanyn eske túsirdi. Onyń ishinde nesıe berý, jeńildikter, bólip tóleý jáne jeńildikpen jalǵa berý, t.b. birqatar sharalar bar.
"Adyrna" ulttyq portaly
