رەسەي مەن قىتاي قاۋىپسىزدىك ماسەلەلەرى بويىنشا ىنتىماقتاسىپ، جوعارى تەحنولوگيالىق قارۋدى بىرلەسىپ جاساپ جاتىر. بۇل تۋرالى رەسەي پرەزيدەنتى ۆلاديمير پۋتين ءباسپاسوز ءماسليحاتىندا ايتتى دەپ حابارلايدى "ادىرنا" ۇلتتىق پورتالى تاسس اگەنتتىگىنە سىلتەمە جاساپ.
ء"بىز قىتايمەن قاۋىپسىزدىك سالاسىندا ىنتىماقتاسامىز. قىتاي ارمياسى نەگىزىنەن ەڭ وزىق قارۋ-جاراق جۇيەلەرىمەن جابدىقتالعان. ءبىز ءتىپتى كەيبىر جوعارى تەحنولوگيالىق قارۋلاردى بىرگە جاساپ جاتىرمىز", - دەدى رەسەي باسشىسى. — ءبىز سونداي-اق اۆياتسيا سالاسىندا دا بىرىگەمىز، ۇشاق، تىكۇشاقتار شىعارامىز".
پۋتين سونداي-اق رەسەي فەدەراتسياسى مەن قحر دا ەلدەردىڭ قارۋلى كۇشتەرى اراسىنداعى ىنتىماقتاستىقتى دامىتىپ جاتقانىن اتاپ ءوتتى.
"بۇل بىرلەسكەن وقۋ-جاتتىعۋلار، بىرلەسكەن حالىقارالىق سوعىس ويىندارىنا قاتىسۋ، تەڭىزدە جانە اۋەدە بىرلەسكەن پاترۋلدەر بولماق", - دەپ قوستى ول رەسەي فەدەراتسياسى مەن قحر "مۇلدەم تولىق قامتيتىن ستراتەگيالىق سەرىكتەستىكتى" دامىتقانىن جەتكىزىپ.
ول رەسەي مەن قىتاي اراسىنداعى ستراتەگيالىق قارىم-قاتىناس حالىقارالىق ارەناداعى نەگىزگى تۇراقتاندىرۋشى فاكتور بولىپ تابىلاتىنىن ايتتى.
"بۇل رەسەي مەن قىتاي اراسىنداعى تاريحتا تەڭدەسى جوق ستراتەگيالىق سيپاتتاعى ءابسوليۋتتى جان-جاقتى سەرىكتەستىك. بۇل كۇندەلىكتى قارقىندى جۇمىس قىتاي حالقىنا دا، ورىس حالقىنا دا پايدالى جانە حالىقارالىق ارەنادا ەلەۋلى تۇراقتاندىرۋشى فاكتور بولىپ تابىلادى", - دەدى پۋتين.
"ادىرنا" ۇلتتىق پورتالى
