V.Pýtın: Reseı men Qytaı joǵary tehnologııalyq qarýdy birlesip jasap jatyr

3179
Adyrna.kz Telegram

Reseı men Qytaı qaýipsizdik máseleleri boıynsha yntymaqtasyp, joǵary tehnologııalyq qarýdy birlesip jasap jatyr. Bul týraly  Reseı Prezıdenti Vladımır Pýtın baspasóz máslıhatynda aıtty dep habarlaıdy "Adyrna" ulttyq portaly TASS agenttigine silteme jasap.

"Biz Qytaımen qaýipsizdik salasynda yntymaqtasamyz. Qytaı armııasy negizinen eń ozyq qarý-jaraq júıelerimen jabdyqtalǵan. Biz tipti keıbir joǵary tehnologııalyq qarýlardy birge jasap jatyrmyz", - dedi Reseı basshysy. — Biz sondaı-aq avıaııa salasynda da birigemiz, ushaq,  tikushaqtar shyǵaramyz".

Pýtın sondaı-aq Reseı Federaııasy men QHR da elderdiń qarýly kúshteri arasyndaǵy yntymaqtastyqty damytyp jatqanyn atap ótti.

"Bul birlesken oqý-jattyǵýlar, birlesken halyqaralyq soǵys oıyndaryna qatysý, teńizde jáne áýede birlesken patrýlder bolmaq", - dep qosty ol Reseı Federaııasy men QHR "múldem tolyq qamtıtyn strategııalyq seriktestikti" damytqanyn jetkizip.

Ol Reseı men Qytaı arasyndaǵy strategııalyq qarym-qatynas halyqaralyq arenadaǵy negizgi turaqtandyrýshy faktor bolyp tabylatynyn aıtty.

"Bul Reseı men Qytaı arasyndaǵy tarıhta teńdesi joq strategııalyq sıpattaǵy absolıýtti jan-jaqty seriktestik. Bul kúndelikti qarqyndy jumys qytaı halqyna da, orys halqyna da paıdaly jáne halyqaralyq arenada eleýli turaqtandyrýshy faktor bolyp tabylady", - dedi Pýtın.

 

"Adyrna" ulttyq portaly

Pikirler