شىمكەنت قالاسى ءبىلىم باسقارماسىنا قاراستى «دارىن» ورتالىعىنىڭ ۇيىمداستىرۋىمەن م.اۋەزوۆ اتىنداعى وڭتۇستىك قازاقستان ۋنيۆەرسيتەتى مەن شىمكەنت قالاسى مامانداندىرىلعان مەكتەپ ديرەكتورلارى اراسىندا ىنتىماقتاستىق تۋرالى مەموراندۋم جاسالدى.
دارىن ورتالىعىندا وتكەن ءىس-شاراعا م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ اكادەميالىق عىلىم دەپارتامەنتىنىڭ ديرەكتورى، حيميا عىلىمدارىنىڭ دوكتورى ۇلجالعاس نازاربەك جانە №1 ءۇش تىلدە وقىتاتىن مامانداندىرىلعان مەكتەپ-ينتەرناتىنىڭ ديرەكتورى ايات الجانوۆا، №2 ءۇش تىلدە وقىتاتىن مامانداندىرىلعان مەكتەپ-ينتەرناتىنىڭ ديرەكتورى ساپارعالي ساۋرانباەۆ، «ءبىلىم-يننوۆاتسيا» ەر بالالارعا ارنالعان №1 ليتسەي-ينتەرناتىنىڭ ديرەكتورى اسىلحان ۋسيپبەكوۆ، م.ح.دۋلاتي اتىنداعى ءۇش تىلدە وقىتاتىن مامانداندىرىلعان №8 گيمنازياسىنىڭ ديرەكتورى اينۇر ساحوۆا، №90 دارىندى بالالارعا ارنالعان مامانداندىرىلعان مەكتەپ-گيمنازياسىنىڭ ديرەكتورى ارمان ورىنبەكوۆ ، №41 ا.س.ماكارەنكو اتىنداعى مەكتەپ-ليتسەيىنىڭ ديرەكتورى اينا سارىمساكوۆا، №79 جالپى ورتا ءبىلىم بەرەتىن مەكتەبىنىڭ ديرەكتورى اقتولقىن جايلاۋباەۆالار قاتىستى.
ىنتىماقتاستىق اياسىندا شىمكەنت قالاسىنىڭ م.اۋەزوۆ اتىنداعى وقۋ مەن شىمكەنت قالاسى مامانداندىرىلعان مەكتەپتەر الداعى ۋاقىتتا قاجەتتى تاقىرىپتاردا سەمينارلار، ترەنينگتەر، سايىستار وتكىزىلۋ جوسپارلانىپ، بىرلەسە وتكىزەدى.
ايتا كەتۋ كەرەك، رەسپۋبليكاداعى ءىرى جانە كوپسالالى ۋنيۆەرسيتەت پەن قالاداعى ءبىلىم وشاقتارىنىڭ اراسىنداعى تىعىز بايلانىس جاساۋدىڭ ناتيجەسىندە الداعى كۇندەرى عىلىمي جوبالاردى دامىتۋ، پەداگوگيكالىق عىلىمنىڭ جەتىستىكتەرىن ۇگىتتەۋ، پەداگوگتارعا عىلىمي كەڭەس بەرۋدى ۇيىمداستىرۋ، بىرلەسىپ وڭدەگەن ءبىلىم بەرۋ باعدارلامالاردى جۇزەگە اسىرۋ سىندى بىرقاتار ماڭىزدى جۇمىستار ىسكە اسىرىلاتىن بولادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
