قادىروۆ ەردوعانعا سەس كورسەتتى: ءبىزدىڭ جاۋابىمىز قاتاڭ بولماق!

5406
Adyrna.kz Telegram

شەشەنستان باسشىسى رامزان قادىروۆ تۇركيا پرەزيدەنتى رەجەپ تايىپ ەردوعانعا «ءسىز تەرروريستەردى اشىق قولدايتىن مەملەكەت مارتەبەسىن الاسىز، يا بولماسا رەسەي فەدەراتسياسىمەن كەلىسىمدى وزگەرتپەستەن اشىق جانە ادال قارىم-قاتىناستى جاقتايتىن بولاسىز» دەگەن شەشىم قابىلداۋدى تالاپ ەتتى، دەپ حابارلايدى "ادىرنا" سايتى. 

«ايتپەسە، ىزدەۋدە جۇرگەن قاراقشىلار مەن سودىرلار تۇركيادا پانا تاۋىپ، مىڭداعان بەيبىت تۇرعىنداردىڭ ولىمىنە قاتىسقان لاڭكەستەردىڭ اتىمەن ساياباقتاردى اتاۋ ءۇشىن اشىق تۇردە جينالىستار مەن ءىس-شارالار ۇيىمداستىرىپ جاتقاندا، ءبىز جاۋاپ قايتارۋ قۇقىعىن وزىمىزدە قالدىرامىز. مىسالى، بۇل جاعدايدا تۇركيا تۇرمەلەرىنىڭ بىرىندە ءومىر بويىنا باس بوستاندىعىنان ايىرىلعان كۇردىستان جۇمىسشى پارتياسىنىڭ نەگىزىن قالاۋشى ابدۋللا وجالاننىڭ ەسىمىن گروزنىيدا ماڭگىلىككە قالدىرۋ ءبىزدىڭ تاراپىمىزدان قيسىندى جانە ساياسي «اينا» بولىپ تابىلادى»، - دەدى شەشەنستان باسشىسى.

قادىروۆتىڭ ايتۋىنشا، بۇل ۇندەۋ شەشەنستان پارلامەنتى، قاۋىپسىزدىك كۇشتەرى مەن ءدىن وكىلدەرىنىڭ «رەسەيدە قىلمىس جاساعان لاڭكەستەردى جاسىرىپ، كەيىن تولىعىمەن اقتاپ الىپ شىققان تۇرىك بيلىگىنىڭ ارەكەتتەرىنە جاۋاپ بەرۋ تۋرالى وتىنىشىمەن بايلانىستى.

قادىروۆ رەسەي سىرتقى ىستەر مينيسترلىگىنە دە جۇگىنگەن.

«تۇركيا بيلىگىنىڭ قازىرگى ارەكەتتەرى عاسىرلار بويى دامىپ كەلە جاتقان رەسەي-تۇركيا قارىم-قاتىناسىنا تىكەلەي قاۋىپ توندىرەدى. ءبىز بۇعان نازار اۋدارىپ، مۇنداي كورىنىستەرگە قارسى الدىن الا ديپلوماتيالىق شارالار قابىلداۋىمىز كەرەك»، - دەپ ەسەپتەيدى شەشەنستان باسشىسى.

EADaily حابارلاعانداي، قازان ايىندا تۇرىك سوتى تىڭشىلىق جاسادى دەگەن كۇدىكپەن ءتورت رەسەيلىكتى قاماۋعا الدى. ولارعا تۇركيادا تۇراتىن شەشەن وپپوزيتسياسىنىڭ وكىلدەرىنە قاستاندىق جاساۋدى جوسپارلاعان دەگەن ايىپ تاعىلىپ وتىر. ۇستالعانداردان قارۋ-جاراق پەن رەسەيلىك تولقۇجات تابىلدى.

ءبىرىنشى جانە ەكىنشى شەشەن سوعىستارى كەزىندە تۇركيا رەسپۋبليكاسى مەن تۇرىك قوعامى سەپاراتيستەردى قولداپ، يچكەريا باسشىسى دجوحار دۋداەۆتى ءالى كۇنگە دەيىن قۇرمەتتەيدى.

"ادىرنا" ۇلتتىق پورتالى

 

پىكىرلەر