شىمكەنتتەگى ەڭبەكشى اۋدانى جاڭا سپورت الاڭشاسىمەن تولىقتى. اشىق اسپان استىنداعى سپورتتىق ترەناجەرلار مەن ستريت ۆوركاۋت الاڭشالارى م. وزتۇرىك كوشەسىنىڭ بويىندا ورناتىلدى.
ەل يگىلىگى ءۇشىن سالىنعان سپورتتىق نىساننىڭ سالتاناتتى تۇردە اشىلۋ شاراسىنا اۋدان اكىمىنىڭ ورىنباسارى د.امانگەلديەۆ جانە اۋدان ارداگەرلەرىنىڭ توراعاسى ز.جايشىبەكوۆ قاتىستى. ءوز كەزەگىندە اۋدان تۇرعىندارى ولارعا سالاۋاتتى ءومىر ءسۇرۋ سالتىن ۇستانۋعا جاعداي جاساعانى ءۇشىن العىسىن جەتكىزدى.
ايتا كەتەيىك، ەڭبەكشى اۋدانىنىڭ اۋماعىندا سپورت الاڭشاسىن ورناتۋ جۇمىسى قالا اكىمىنىڭ تاپسىرماسىنا سايكەس ىسكە اسۋدا.
بۇگىندە اۋداندا بيۋدجەتتەن بولىنگەن قارجى بويىنشا 14, دەمەۋشىلەر ەسەبىنەن 2 سپورت الاڭشاسى ورناتىلعان. بۇدان وزگە ''حالىق قاتىساتىن بيۋدجەت'' جوباسى اياسىندا 2 سپورت الاڭشاسى مەن 2 اشىق اسپان استىنداعى سپورتتىق ترەناجە جانە ستريت ۆوركاۋت الاڭشالارى اشىلدى.
