بەينەۋ پوليتەحنيكالىق كوللەدجىنىڭ ۇجىمى مەن ستۋدەنتتەرى ءبىر وتباسىنىڭ ورتەنىپ كەتكەن پاتەرىن جوندەپ بەردى. قايىرىمدى ءىستى ۇيىمداستىرۋشىلار العىس ايتۋ كۇنى قارساڭىندا اۋىزبىرشىلىك تانىتىپ، قيىن جاعدايعا تاپ بولعان وتباسىعا كومەك بەرۋدى ءجون كورگەندەرىن ايتادى.
«كوللەدج باسشىلارىنىڭ ايتۋىنشا، وسىدان ءبىر جارىم اي بۇرىن پوليتەحنيكالىق كوللەدجدىڭ ءبىرىنشى كۋرس ستۋدەنتى ايگەرىم تۇگەلباەۆانىڭ ءۇيى ورتكە ورانىپ، ءبىر وتباسى قيىن جاعدايعا تاپ بولعان. ءتىلسىز جاۋ بۇكىل پاتەردى شارپىپ ءوتىپ، تۇرۋعا جارامسىز بولىپ قالعان.
ول قىزدىڭ اناسى – جالعىزباستى انا. ايگەرىمنەن باسقا ءبىرىنشى سىنىپتا وقيتىن ءىنىسى بار. اناسى ۆاحتالىق ادىسپەن جۇمىس ىستەيدى. ءورت شىققان كۇنى اناسى ۇيدە بولماعان. ءورت سوندىرۋشىلەرىنىڭ ايتۋىنشا، جالىن توقتىڭ تۇيىقتالۋىنان شىققان. نەگىزى وسى يگى ءىستى باستاعان كوللەدج ستۋدەنتتەرى مەن كۋراتورى قيناياتوۆا عاليا. ولار اقشا جيناپ، پاتەردى وزدەرى جوندەگەن. ءبىر بولمەلى پاتەردى ءۇش اپتادا ون ءۇش ستۋدەنت جوندەپ بەردى. مەكتەپ ۇجىمى كومەك رەتىندە 100 مىڭ تەڭگە جيناپ بەردىك. مۇنان بولەك كيىم-كەشەك، تۇرمىسقا قاجەتتى زاتتار بەرىلدى. اۋىل ازاماتتارىنىڭ ءبىرى – تەرەزەسىن، ءبىرى – ەسىگىن الىپ بەرىپ كومەكتەستى»، – دەيدى بەينەۋ پوليتەحنيكالىق كوللەدجى ديرەكتورىنىڭ ورىنباسارى اقجارقىن وزبەكوۆا.
sn.kz
